काठमाडौँ । एसियाली पूर्वाधार लगानी बैंक (एआईआईबी) को गभर्नर परिषद्को ११औँ वार्षिक बैठकमा सहभागी हुन दोहा पुगेका अर्थमन्त्री डा. स्वर्णिम वाग्ले र बैंककी अध्यक्ष जोउ जियायीबीच भेटवार्ता भएको छ ।
भेटमा अर्थमन्त्री वाग्लेले नेपालमा एसियाली पूर्वाधार लगानी बैंकको लगानी विस्तार, प्राकृतिक विपद्पछिको पुनर्निर्माण तथा सहुलियतपूर्ण वित्तीय पहुँच विस्तारका लागि बैंककी अध्यक्ष जियायीसँग आग्रह गरेका छन् ।
कतारको राजधानी दोहामा भएको भेटवार्तामा नेपालमा पूर्वाधार विकासका लागि लगानी बढाउने तथा विपद्पछिको पुनर्निर्माणमा आवश्यक सहयोग उपलब्ध गराउने विषयमा छलफल भएको अर्थमन्त्री वाग्लेको सचिवालयले जानकारी दिएको छ ।
