- २०८३ भदौ १४ आइतबार
2026-06-26-05-49-27.jpeg)
हेटौँडा । मकवानपुरको हेटौँडा उपमहानगरपालिका–१५ पिपलबोटस्थित महेन्द्र राजमार्गमा विद्युतीय माइक्रो र सुमो एकआपसमा ठोक्किँदा ११ जना घाइते भएका छन् ।
आइतबार दिउँसो काठमाडौँबाट वीरगन्जतर्फ जाँदै गरेको बा.प्र.०६–००१ ज. ०६९७ नम्बरको यात्रुवाहक विद्युतीय माइक्रो र विपरीत दिशाबाट आउँदै गरेको ना.१ ज. ५८७३ नम्बरको यात्रुवाहक सुमो ठोक्किएका हुन् ।
दुर्घटनामा सुमो चालकसहित सुमोमा सवार ६ जना तथा माइक्रो चालकसहित माइक्रोमा सवार ५ जना गरी ११ जना घाइते भएको र घाइते सबैको हेटौँडा अस्पतालमा उपचार भइरहेको प्रहरीले जानकारी दिएको छ ।
घाइतेमध्ये एक जनाको अवस्था मध्यम रहेको र अन्यको अवस्था सामान्य रहेको प्रहरीले जनाएको र दुर्घटनाबारे थप अनुसन्धान भइरहेको छ ।
