- २०८३ भदौ १ सोमबार
2026-06-26-05-49-27.jpeg)
काठमाडौँ । आर्सनलले प्रतिद्वन्द्वी म्यानचेस्टर सिटीलाई पराजित गर्दै सन् २०२६ को कम्युनिटी शिल्डको उपाधि जितेको छ ।
आइतबार राति सम्पन्न खेलमा आर्सनलले म्यानचेस्टर सिटीलाई ३-० गोल अन्तरले पराजित गरेको हो ।
आर्सनलले खेल सुरु भएको २३ सेकेन्डमै अग्रता बनाएको थियो । माइलेस लुइस स्केलीको पासमा रिकार्डो कालाफियोरीले गोल गर्दै आर्सनललाई सुरुवाती अग्रता दिलाए । आर्सनलले २८औँ मिनेटमा अग्रता दोब्बर बनायो । नयाँ खेलाडी क्रिस्टोस जोलिसले मार्टिन ओडेगार्डको क्रसलाई गोलतर्फ फर्काएपछि काइ हाभर्ट्जले हेडमार्फत गोल गरेका थिए । दोस्रो हाफ सुरु भएको तीन मिनेटमै आर्सनलले तेस्रो गोल गर्यो । जोलिसको पासमा ओडेगार्डले म्यानचेस्टर सिटीको गोल क्षेत्रमा बल पाए । उनले गोलरक्षक जियानलुइजी डोनारुम्मालाई झुक्याउँदै बललाई अर्को कुनामा पठाए ।
म्यानचेस्टर सिटीविरुद्धको जितसँगै आर्सनलले चार महिनाभित्र दोस्रो उपाधि जितेको छ । यो आर्सनलको समग्रमा १८औँ कम्युनिटी शिल्ड उपाधि हो ।
म्यानचेस्टरमा रहेको वेम्बली रंगशालामा क्यानडेली गायक द विकेन्डको सांगीतिक कार्यक्रम भइरहेकाले खेल कार्डिफस्थित प्रिन्सिपालिटी रंगशालामा आयोजना गरिएको थियो ।
