- २०८३ श्रावण ३० शनिबार
2026-06-26-05-49-27.jpeg)
काठमाडौँ । बंगलादेशविरुद्धको टेस्टमा अस्ट्रेलिया ६७ रनले पछाडी रहेको छ ।
जारी टेस्टको तेस्रो दिनको खेल सकिदा अस्ट्रेलियाले दोस्रो इनिंगमा ४ विकेट गुमाएर १६१ रन बनाएको छ ।
अस्ट्रेलियाका लागि स्टिभ स्मिथले ४४ रन बनाएर आउट भए भने मार्नस लाबुसचाँगेले ३१ र ट्राभिस हेडले १७ रन बनाएर आउट भएका थिए । त्यस्तै हाल क्यामरुन ग्रीन ४३ र एलेक्स केरी १९ रन बनाएर खेलिरहेका छन् ।
त्यसैगरी बंगलादेशका बलर हसन महमुदले २ विकेट लिए भने ताइजुल इस्लाम र मेहिदी हसन मिराजले एक एक विकेट लिए ।
यस टेस्टमा पहिलो इनिंगमा अस्ट्रेलियाले १९८ रन मात्र बनाएको थियो भने बंगलादेशले ४२६ रन बनाएको थियो ।
