- २०८३ श्रावण २८ बिहीबार
2026-06-26-05-49-27.jpeg)
रोल्पा । अविरल वर्षापछि खसेको पहिरोले घर तथा गोठ पुरिँदा रोल्पाको थबाङ गाउँपालिका–५ बोटलबारा दुई जनाको मृत्यु भएको छ भने दुई जना गम्भीर घाइते भएका छन् ।
बुधबार राति करिब ८: ४० बजे पहिरो खस्दा स्थानीय कमलबहादुर पुन मगरसहित करिब ६ घर तथा गोठ पुरिएका थिए । घटनामा १८ वर्षीया शान्ती पुन मगर र करिब ६० वर्षीय कमलबहादुर पुन मगरको मृत्यु भएको प्रहरीले जनाएको छ ।
पहिरोमा २२ वर्षीय हिमाल पुन मगर र २५ वर्षीय सञ्जय घर्ती मगर गम्भीर घाइते भएका छन् । प्रहरी र स्थानीयवासीले उद्धार तथा खोजी कार्य जारी राखेका छन् । थप मानिस पुरिएको हुनसक्ने आशंकामा घटनास्थलमा खोजी तीव्र पारिएको प्रहरीले जनाएको छ ।
