- २०८३ श्रावण २७ बुधबार
2026-06-26-05-49-27.jpeg)
जनकपुरधाम । वरिष्ठ भाषाविद्, शिक्षाविद् तथा साहित्यकार प्राध्यापक डा. राजेन्द्र प्रसाद विमलको निधनप्रति जनकपुरधाम उपमहानगरपालिकाले दुःख व्यक्त गर्दै बुधबार एक दिन नगर क्षेत्रका सम्पूर्ण शैक्षिक संस्था बन्द गरिएको छ ।
उपमहानगरपालिकाले जारी गरेको शोक वक्तव्यमा शिक्षा, संस्कृति, पूर्वीय दर्शन तथा मैथिली र नेपाली साहित्यको क्षेत्रमा डा. विमलले पुर्याएको योगदानको स्मरण गरिएको छ ।
डा. विमलको २०८३ साल साउन २५ गते राति १ बजे निधन भएको थियो। उनको निधनले जनकपुरधामको साहित्यिक क्षेत्रमा अपूरणीय क्षति पुगेको र एक महत्वपूर्ण अभिभावक गुमाएको उपमहानगरपालिकाले जनाएको छ ।
उपमहानगरपालिकाले डा. विमलको आत्माको चिरशान्तिको कामना गर्दै शोकसन्तप्त परिवारजनप्रति समवेदना व्यक्त गरेको छ ।
उनको निधनप्रति शोक मनाउन २०८३ साल साउन २७ गते बुधबार जनकपुरधाम उपमहानगरपालिकाभित्रका सम्पूर्ण सामुदायिक तथा संस्थागत शैक्षिक संस्था एक दिन बन्द गर्न अनुरोध गरिएको छ । उक्त दिन ती संस्थामा पठनपाठनसमेत बन्द रहनेछ ।
