प्रतिनिधि सभामा काँग्रेस सांसद डा. यादवको उठेर विरोध, संसद बैठक अवरुद्ध

काठमाडौँ । नेपाली काँग्रेसका सांसद डा. चन्द्रमोहन यादवले संसदमा उठेर सरकारको निर्णयको विरोध गरेका छन् ।

धनुषाको ढल्केबरमा यसअघि ट्रमा सेन्टर बनाउने निर्णय भएपनि यस पटक सो स्थान परिवर्तन गरेर अन्यत्र सारिएको भन्दै सांसद यादवले संसदमै मौनधारण गरेर विरोध गरिरहेका छन् । सांसद यादवले उठेर विरोध जारी राखेपछि सभामुख डिपी अर्यालले उनलाई बस्न आग्रह गरिरहेका छन् । 

यादवले सरकारको निर्णयविरुद्ध ढल्केबरमा समेत स्थानीय विरोधमा रहेको र आफु पनि संसदमै विरोध गर्ने बताएका थिए । उनले उठेर विरोध जारी राखे पनि प्रतिनिधि सभाको बैठक अगाडी बढन सकेको छैन ।