प्रतिनिधि सभा अन्तर्गतका दुई समितिको बैठक बस्दै

काठमाडौँ । आज प्रतिनिधि सभा अन्तर्गतका दुई समितिको बैठक बस्दैछ । आज अन्तर्राष्ट्रिय सम्बन्ध र पर्यटन समिति र सार्बजनिक लेखा समितिको बैठक बस्दैछ ।

बिहान ९ बजे बस्ने अन्तर्राष्ट्रिय सम्बन्ध र पर्यटन समितिको बैठकमा त्रिभुवन, पोखरा र भैरहवा अन्तर्राष्ट्रिय विमानस्थलको सञ्चालन अवस्था लगायत नेपालको हवाई उड्‍डयन यूरोपियन यूनियनको कालो सूचीबाट हटाउनका लागि मन्त्रालय र नागरिक उड्‍डयन प्राधिकरणको तयारी सम्बन्धमा छलफलको कार्यसूची रहेको छ । 

त्यस्तै बिहान साढे ८ बजेदेखि बस्ने सार्बजनिक लेखा समितिको बैठकमा लेखा उत्तरदायी अधिकृतहरुसँग बेरुजु न्यूनीकरण सम्बन्धी विषयमा छलफलको कार्यसूची रहेको छ ।