- २०८३ जेठ १७ आइतबार
काठमाडौँ । प्रतिनिधि सभाको बैठकमा विपक्षी दलहरूले प्रतिनिधिसभाको रोस्ट्रम घेराउ गरेपछि बैठक १४ मिनेटका लागि स्थगित भएको छ ।
प्रतिनिधि सभा नियमावली मस्यौदा समितिको प्रतिवेदनमाथि थप छलफल माग गर्दै विपक्षी दलहरुले विरोध गरिरहेका बेला सभामुख डिपी अर्यालले बैठक अगाडी बढाएपछि हंगामा भएको थियो ।
रास्वपा सांसद गणेश पराजुली नेतृत्वमा बनेको प्रतिनिधिसभा नियमावली मस्यौदा समितिमा सांसदहरूले संशोधन दर्ता गराएका छन् र उनीहरूले नियमावली माथि छलफल माग गरेका थिए ।
नियमावली माथि छलफलको माग गर्दै नेपाली कांग्रेस, नेकपा एमाले, नेपाली कम्युनिस्ट पार्टीले रोस्ट्रम घेराउ गरेका थिए । सोहि क्रममा वैठक संसदको मर्यादाभन्दा बाहिर गएर झडपको स्थिति बनेपछि सभामुखले बैठक १५ मिनेट स्थगित गरेका छन् ।
