- २०८३ जेठ ९ शनिबार
काठमाडौं । नेकपा एमालेको सचिवालय बैठक भोली पनि बस्ने भएको छ ।
उपमहासचिव लेखराज भट्टका अनुसार आज पाँच जना उपाध्यक्षले आफ्नो धारणा राखेको र बैठक निर्वाचन समीक्षा र कार्यविभाजनमा केन्द्रित रहेको छ ।
जेठ ४ गतेदेखि शुरु भएको बैठक शनिबार पनि बस्ने भट्टले जानकारी दिएका छन् । बैठकमा १२ जना बोल्न बाँकी रहेको उनले बताए ।
एमाले प्रचार विभाग प्रमुख राजेन्द्र गौतमका अनुसार बैठकमा पार्टीको समग्र समीक्षा गर्नुका साथै निर्वाचनको समीक्षालाई दुई भागमा बाँडेर छलफल अगाडि बढाइएको छ । नेताहरूले लामो समय लिएर स्पष्ट रूपमा आफ्ना विचारहरू प्रस्तुत गरेको गौतमले जानकारी दिए ।
सचिवालयको अर्को बैठक भोलि बिहान ११: ३० बजे अध्यक्षकै निवासमा पुनः बस्ने तय भएको गौतमले बताए ।
