- २०८३ बैशाख १५ मंगलबार
काठमाडौँ । निर्वाचन आयोगले देशभर उत्साहजनक रुपमा मतदान भइरहेको जानकारी दिएको छ ।
आयोगले दिउँसो १ बजेसम्म देशभर करिब २४ प्रतिशत मतदान भएको जानकारी दिएको छ । देशभर ४४ लाख ५५ हजार ७९० मत खसेको छ ।
अहिलेसम्म बागमती प्रदेशमा १९ प्रतिशत, कर्णाली प्रदेशमा ३१ प्रतिशत, मधेश प्रदेशमा २० प्रतिशत, लुम्बिनी प्रदेशमा २६ प्रतिशत, सुदूरपश्चिममा २५ प्रतिशत, कोशी प्रदेशमा २३ प्रतिशत मतदान भएको निर्वाचन आयोगले जानकारी दिएको छ । त्यस्तै काठमाडौँ उपत्यकामा सबै भन्दा बढी ४१ प्रतिशत मतदान भएको छ ।
यस निर्वाचनमा देशभर ९६ लाख ६३ हजार ३५८ पुरूष, ९२ लाख ४० हजार १३१ महिला र अन्य २०० सहित कुल एक करोड ८९ लाख३ हजार ६८९ मतदाता रहेका छन् ।
