- २०८३ बैशाख ८ मंगलबार
काठमाडौँ । वेस्ट इण्डिजले इटालीलाई १६६ रनको लक्ष्य दिएको छ ।
आइसीसी टी-२० विश्वकप अन्तर्गत समुह सीको खेलमा वेस्ट इण्डिजले टस हारेर पहिला ब्याटिंग गर्दै २० ओभरमा ६ विकेट गुमाएर १६५ रन बनाएको हो ।
वेस्ट इण्डिजका लागि कप्तान शाइ होपले ७५ रन बनाए भने रोस्टन चेज र शेरफान रथरफोर्डले २४-२४ रन बनाएका थिए । त्यस्तै म्याथ्यु फोर्डले अविजित १६ रन बनाए ।
त्यसैगरी इटालीका बलरबेन मानेनटी र क्रिशान कालुगामागेले २-२ विकेट लिएका थिए । त्यस्तै अलि हसन र थोमस स्टिवार्टले एक एक विकेट लिएका थिए ।
