को कसले जिते ग्रामी अवार्ड ?

काठमाडौँ । यस बर्षको ६८औं ग्रामी अवार्ड २०२६ लस एन्जलसमा आयोजना गरिएको छ । केन्ड्रिक लामारले सर्वश्रेष्ठ र्‍याप एल्बम अवार्ड जितेर इतिहास रचेका छन् । अब उनले यस श्रेणीमा सबैभन्दा धेरै ग्रामी नामांकनको रेकर्ड बनाएका छन् । त्यस्तै तिब्बती आध्यात्मिक नेता दलाई लामाले पनि आफ्नो पहिलो ग्रामी अवार्ड दिइएको छ ।

केन्ड्रिक लामारले यस वर्ष ९ ग्रामी नामांकन प्राप्त गरेका थिए । उनले धेरै प्रमुख पुरस्कारहरू जितेका छन् । अब उनको कुल २६ ग्रामी अवार्डहरू छन् । उनले सर्वश्रेष्ठ र्‍याप एल्बम र सर्वश्रेष्ठ र्‍याप गीत जितेर हिप-हप संगीतमा इतिहास रचे । यो जितसँगै, केन्ड्रिकले जे-जेडको रेकर्ड तोडेका छन् ।

यस वर्षको ग्रामी अवार्डमा पप र र्‍याप मात्र नभई आध्यात्मिकताको झलक पनि प्रदर्शन गरिएको थियो । ९० वर्षको उमेरमा, तिब्बती आध्यात्मिक नेता दलाई लामाले सर्वश्रेष्ठ अडियोबुक, कथा, वा कथा कथन श्रेणीमा आफ्नो पहिलो ग्रामी अवार्ड जितेका छन् । उनले यो पुरस्कार आफ्नो एल्बम "मेडिटेशन: द रिफ्लेक्सन्स अफ हिज होलिनेस द दलाई लामा" को लागि प्राप्त गरेका हुन् ।

त्यस्तै लेडी गागा, प्रख्यात निर्माता सर्कुट र ज्याक एन्टोनफले सात-सात मनोनयन प्राप्त गरेका थिए । तीनै जनालाई फरक फरक विधामा मनोनयन गरिएको थियो । त्यसपछि ब्याड बन्नी, लियोन थोमस र सबरीना कारपेन्टरले छ-छ मनोनयन प्राप्त गरेका छन् ।

६८औं ग्रामी अवार्ड समारोहमा धेरै प्रसिद्ध कलाकारहरूले शानदार प्रदर्शन गरेका थिए । लेडी गागा, जस्टिन बीबर, फेरेल विलियम्स र पप सनसनी सबरीना कारपेन्टरले आफ्ना हिट गीतहरूको प्रदर्शनले दर्शकहरूलाई मोहित पारेका थिए ।

अवार्ड विजेताको सूची:

वर्षको एल्बम: ब्याड बन्नी- डेबी टिरार मास फोटोस

वर्षको रेकर्ड: केन्ड्रिक लामार र एसजेडए- लुथर

वर्षको गीत: बिली एलिस- वाइल्डफ्लोवर

सर्वश्रेष्ठ नयाँ कलाकार- ओलिभिया डीन

सर्वश्रेष्ठ पप भोकल एल्बम: लेडी गागा- मेहेम

सर्वश्रेष्ठ पप सोलो परफरमेन्स: लोला योंग- मेसी

सर्वश्रेष्ठ अडियोबुक, कथा र कथा कथन: दलाई लामा

सर्वश्रेष्ठ पप एकल प्रदर्शन: सबरीना कार्पेन्टर- म्यानचाइल्ड

सर्वश्रेष्ठ पप जोडी/समूह प्रदर्शन: सिन्थिया एरिभो र एरियाना ग्रान्डे- डिफाइङ ग्राभिटी

सर्वश्रेष्ठ नृत्य/इलेक्ट्रोनिक एल्बम: एफकेए ट्विग्स - इयूएसइएक्सयुए

सर्वश्रेष्ठ नृत्य पप रेकर्डिङ: लेडी गागा- अब्राकाडाब्रा