- २०८३ बैशाख ८ मंगलबार
काठमाडौँ । पूर्वी प्रजातान्त्रिक गणतन्त्र कंगोको रुबाया कोल्टेन खानीमा पहिरो जाँदा २०० भन्दा बढीको मृत्यु भएको छ ।
स्थानीय अधिकारीहरूका अनुसार, वर्षाको समयमा जमिन कमजोर हुँदा बुधबार दुर्घटना भएको थियो, जसले गर्दा खानी भत्किएको थियो ।
गभर्नरका प्रवक्ता लुबुम्बा काम्बेरे मुयिसाले बताएअनुसार पहिरोमा २०० भन्दा बढी व्यक्तिको मृत्यु भएको छ, जसमा खानी कामदार, बालबालिका र बजारमा तरकारी र फलफूल बेच्ने महिलाहरू पनि समावेश छन् ।
भग्नावशेषबाट शव निकाल्ने प्रयास जारी रहेकोले शुक्रबार साँझसम्म पनि मृत्यु हुनेको संख्या स्पष्ट नभएको बताइएको छ ।
