- २०८२ मङ्सिर ७ आइतबार
काठमाडौँ । उत्तरी र मध्य गाजामा इजरायली हवाई आक्रमणमा कम्तिमा २२ प्यालेस्टिनीको मृत्यु भएको छ ।
हमासका मेडिकल तथा नागरिक रक्षा अधिकारीहरूले जानकारी दिएका छन्।
अधिकारीहरूले शनिबार आवासीय क्षेत्रहरू सहित पाँच स्थानमा आक्रमण भएको बताएका छन् । स्थानीय स्रोतहरूले मृत्यु हुनेमा हमासका एक वरिष्ठ कमाण्डर पनि रहेको संकेत गरेका छन् । इजरायली सेनाले गाजामा लक्षित गरिएका लक्ष्यहरू शनिबार अघि भएको घटनासँग सम्बन्धित रहेको बताएको छ ।
सेनाका अनुसार, एक सशस्त्र व्यक्तिले गाजा पट्टीको पहेँलो रेखा पार गरेर इजरायली नियन्त्रित क्षेत्रमा प्रवेश गरे र सैनिकहरूमाथि गोली चलाएका थिए । हमासले इजरायलको आरोप अस्वीकार गरेको छ ।
दुवै पक्षले छ हप्ता अघि भएको युद्धविराम सम्झौता उल्लङ्घन गरेको आरोप एकअर्कालाई लगाएका छन् ।
गाजा स्वास्थ्य मन्त्रालयका अनुसार, युद्धविराम लागू भएदेखि इजरायली आक्रमणमा ३१० भन्दा बढी प्यालेस्टिनीको मृत्यु भइसकेको छ ।
