- २०८२ जेठ ५ सोमबार
काठमाडौँ । भारतीय सेनाले मंगलबार राती पाकिस्तान र पाकिस्तान प्रशासित कश्मीरका नौ स्थानहरूमा गरेको हवाई आक्रमण बारे पत्रकार सम्मेलन गरेर जानकारी दियो ।
पहलगाममा भएको आक्रमणपछि भारत र पाकिस्तानबीच तनाव निरन्तर बढ्दै गएपछि भारतले पाकिस्तानविरुद्ध लिएको यस एक्सनको जानकारी दिन भारतले दुई महिला सैनिक अधिकारीलाई अगाडी सारेर रणनीतिक रुपमा सन्देस दिएको छ ।
भारतीय सेनाले आफ्नो यस अपरेशनलाई 'अपरेशन सिन्दूर' नाम दिएको छ र यसको बारेमा जानकारी दिन बुधबार बिहान सेनाका दुई महिला अधिकारीहरू पत्रकारहरूसामु उपस्थित भए । ति दुई महिला थिए कर्नल सोफिया कुरेशी र वायुसेनामा हेलिकप्टर पाइलट व्योमिका सिंह ।
कर्नल सोफिया कुरेशी भारतीय सेनाकी एक अधिकारी हुन्। २०१६ मा, बहुराष्ट्रिय क्षेत्र प्रशिक्षण अभ्यास भारतको पुणे शहरमा भएको थियो । यो भारतीय भूमिमा अहिलेसम्मकै सबैभन्दा ठूलो स्थल सेना अभ्यास थियो ।
यसमा ४० सैनिकको भारतीय सेनाको टोलीको नेतृत्व सिग्नल कोर्प्सकी महिला अधिकारी लेफ्टिनेन्ट कर्नल सोफिया कुरेशीले गरेकी थिइन् । त्यतिबेला, उनले यति ठूलो बहुराष्ट्रिय अभ्यासमा भारतीय सेनाको प्रशिक्षण टोलीको नेतृत्व गर्ने पहिलो महिला अधिकारी बन्ने दुर्लभ गौरव प्राप्त गरेकी थिइन् ।
रक्षा मन्त्रालयले पनि आफ्नो अघिल्लो पोस्टमा यो जानकारी दिएको थियो र सोफिला कुरेशीको तस्बिर पनि साझा गरेको थियो ।
कुरेशी गुजरातकी हुन् । उनले बायोकेमिस्ट्रीमा स्नातकोत्तर गरेका छन् । कुरेशी एक सैन्य परिवारबाट आएका हुन् । उनका हजुरबुबा भारतीय सेनामा थिए। उनको विवाह मेकानाइज्ड इन्फन्ट्रीका एक अधिकारीसँग भएको छ । सोफिया कुरेशी १९९९ मा १७ वर्षको उमेरमा सर्ट सर्भिस कमिसन मार्फत भारतीय सेनामा भर्ना भइन् । उनले छ वर्षदेखि संयुक्त राष्ट्र शान्ति सेनामा पनि काम गरिसकेका छन्। यसमा २००६ मा कंगोमा एक उल्लेखनीय कार्यकाल समावेश थियो ।
त्यतिबेला उनको मुख्य भूमिका शान्ति कार्यहरूमा प्रशिक्षण-सम्बन्धित योगदान प्रदान गर्नु थियो ।
सेनाको अपरेशन सिन्दूरको बारेमा मिडियालाई जानकारी दिने दोस्रो अधिकारी विंग कमाण्डर व्योमिका सिंह थिइन् । व्योमिका सिंह भारतीय वायुसेनामा हेलिकप्टर पाइलट हुन्। रिपोर्टका अनुसार उनी सधैं पाइलट बन्न चाहन्थिन् । उनको नामको अर्थ नै 'आकाशसँग जोड्ने' हो र यही नामले उनको महत्वाकांक्षालाई आकार दियो ।
व्योमिका सिंह राष्ट्रिय क्याडेट कोर अर्थात् एनसीसीमा थिइन् र इन्जिनियरिङ गरेकी छिन् । उनले २०१९ मा भारतीय वायुसेनाको उडान शाखामा पाइलटको रूपमा स्थायी रुपमा काम गर्न शुरु गरेकी थिइन् ।
व्योमिका सिंहले २५०० घण्टाभन्दा बढी उडान भरेकी छिन् । उनले जम्मू कश्मीर र उत्तर-पूर्वी भारतमा कठिन परिस्थितिमा चेतक र चिता जस्ता हेलिकप्टर उडाएकी छन् । उनले धेरै उद्धार कार्यहरूमा पनि महत्त्वपूर्ण भूमिका खेलेका छन्। यी मध्ये एउटा अपरेशन नोभेम्बर २०२० मा अरुणाचल प्रदेशमा भएको थियो।
