- २०८१ मङ्सिर २८ शुक्रबार
काठमाडौँ । भारतको औपचारिक भ्रमणमा रहेका प्रधानसेनापति अशोक राज सिग्देलले भारतीय स्थल सेनाध्यक्ष जनरल उपेन्द्र द्विवेदीसँग शिष्टाचार भेट गरेका छन् ।
साथै, प्रधानसेनापति सिग्देलले भारतीय राष्ट्रिय सुरक्षा सल्लाहकार अजित डोभल,चिफ अफ डिफेन्स स्टाफ अनिल चौहान रक्षा सचिव र विदेश सचिवसँग छुट्टाछुट्टै भेटघाट गरेका छन् ।
आजै, प्रधान सेनापति सिग्देलले भारतको नयाँ दिल्ली स्थित राष्ट्रिय समर स्मारकमा पुष्प गुच्छा चढाई वीर शहीदहरूप्रति श्रद्धाञ्जली अर्पण गरेका थिए । त्यसै गरी उनको सम्मानमा भारतीय सेनाको एक टुकडीले सम्मान गारत अर्पण गरेको थियो ।
