- २०८१ मङ्सिर २ आइतबार
काठमाडौँ । जर्मनी र नेदरल्याण्डस युइएफए नेसन्स लिगको क्वाटरफाइनलमा पुगेका छन् । गएराती दुवैले आ-आफ्नो खेल जितेर नेसन्स लिग ए को समुह ३ बाट क्वाटरफाइनलमा पुगेका हुन् ।
गएराती सम्पन्न खेलमा नेदरल्याण्डसले हंगेरीलाई ४-० ले परजित गरेको थियो भने जर्मनीले बोसनिया र हर्जगोभिनालाई ७-० ले पराजित गरेको थियो ।
यो खेलपछि समुह ३ मा जर्मनीको ५ खेलमा १३ अंक भएको छ र समुहमा शिर्ष स्थानमा रहेको छ । त्यस्तै नेदरल्याण्डसको ५ खेलमा ८ अंक भएको छ र समुहमा दोस्रो स्थानमा छ । यस समुहबाट एक खेल अघि नै जर्मनी र नेदरल्याण्डस क्वाटरफाइनलमा पुगेका छन् भने हंगेरी र बोसनिया हर्जगोभिना बाहिरिएका छन् ।
