- २०८१ मङ्सिर १ शनिबार
काठमाडौँ । रक्षामन्त्री मानवीर राईले सगरमाथा राष्ट्रिय निकुञ्ज सुरक्षार्थ सोलुखुम्बु जिल्लाको नाम्चेमा तैनाथ भगवती प्रसाद गुल्मको निरीक्षण भ्रमण गरेका छन् ।
निरीक्षणको क्रममा रक्षा मन्त्री राईले गुल्मको जिम्मेवारी क्षेत्रको वस्तुस्थिति बारेमा जानकारी लिएका छन् ।
भ्रमणको दौरान उनले सगरमाथा राष्ट्रिय निकुञ्ज प्रशासन कार्यालयका वरिष्ठ संरक्षण अधिकृत, खुम्बु पासाङ्गल्हामु गाउँपालिका वडा नं.५ का वडा अध्यक्ष एवं अन्य सुरक्षा निकायका पदाधिकारीहरूसँग अन्तर्क्रिया समेत गरेका थिए ।
