श्रीलंकामा हुने युथ टेबलटेनिस च्याम्पियनसिपमा सहभागी हुने खेलाडीको बिदाई

काठमाडौँ । श्रीलंकाको क्यान्डीमा जेठ १३ देखि १६ गतेसम्म हुने दक्षिण एसियाली युथ टेबलटेनिस च्याम्पियनसिपमा सहभागी हुने टोलीलाई शुक्रबार एक कार्यक्रमबीच बिदाइ गरिएको छ ।

राष्ट्रिय खेलकुद परिषद्का सदस्य–सचिव टंकलाल घिसिङले दक्षिण एसियाली युथ टेबलटेनिस च्याम्पियनसिपमा सहभागी हुने टोलीलाई बिदाइ गरेका हुन् ।

यस च्याम्पियनसिपमा यु–१९ को ब्वाइजमा प्रिन्स थापा मगर, सिद्धार्थ तामाङ र रुविन महर्जन तथा गल्र्समा वियंका राई, इभाना थापा मगर र योङगी पौडेलले भाग लिदै छन् भने यु–१५ को ब्वाइजमा जयस्नु महर्जन, रिजन शाक्य र सुविन क्षेत्री तथा गल्र्समा शुभश्री श्रेष्ठ, सुरम्य शाक्य र महिमा महता रहेका छन् ।

त्यस्तै प्रशिक्षकमा सन्जिव ढुंगेल, व्यवस्थापकमा सिक्का सुवाल श्रेष्ठ तथा एटीटीयु कम्पिटिसन म्यानेजर तेजेन्द्रसिंह महरा रहेका छन् ।