- २०८१ बैशाख १६ आइतबार
काठमाडौँ । इङलिश प्रिमियर लिग अन्तर्गत चेल्सीले लुटन टाउनलाई पराजित गरेको छ । शनिबार सम्पन्न खेलमा चेल्सीले लुटन टाउनलाई ३-२ गोल अन्तरले पराजित गरेको हो ।
चेल्सीको जितमा कोल पाल्मरले २ गोल गरेका थिए भने एक गोल नोनी माडूएकाले गरेका थिए ।
त्यस्तै लुटन टाउनले खेलको ८०औं मिनेट र ८७औँ मिनेटमा गोल गरेर खेलमा कमव्याकको प्रयास गरेपनि त्यो पर्याप्त भएन । लुटनका लागि रोस बार्कली र एलिजाह अडेबायोले एक एक गोल गरेका थिए ।
यो चेल्सीको यस सिजनमा आठौँ जित हो । यो जितपछि २० खेलमा २८ अंक रहेको चेल्सी लिगमा १०औं स्थानमा छ ।
त्यस्तै लुटन टाउनले भने यस सिजनमा १२औं हार बेहोरेको छ । यो हारपछि लुटनको १९ खेलमा १५ अंक रहेको छ र लिगमा १८औं स्थानमा छ ।
