- २०८३ असोज १ बिहीबार
काठमाडौं । त्रिभुवन अन्तर्राष्ट्रिय विमानस्थल भन्सारका कर्मचारीले आन्दोलनका कारण आज कार्गोको निकासी पैठारी ठप्प भएको छ । आफ्नो काममा निरन्तर हस्तक्षेप भएको भन्दै विमानस्थलका कर्मचारीले आन्दोलन शुरु गरेका हुन् ।
सुन तस्करी प्रकणरमा एकपछि अर्को कर्मचारी तानिएको र सोधपुछको क्रम बढेपछि विमानस्थल भन्सार कार्यालयका कर्मचारीले काम गर्ने वातावरण नभएको भन्दै आन्दोलनका कार्यक्रम सार्वजनिक गरेका हु्न् । ६० किलो सुन तस्करी प्रकरणको अनुसन्धान गरिरहेको प्रहरीले हालसम्म ६ जना भन्सार कर्मचारीलाई पक्राउ गरिसकेको छ ।
उनीहरुले सामूहिक सरुवाको माग पनि पूरा नभएको भनेर उनीहरु आन्दोलन थालेका हुन् । आइतबार तीन घण्टा पेनडाउन गरेका कर्मचारीले सोमबार र मंगलबार कार्गो निकासी-पैठारीसम्बन्धी काम ठप्पको आह्वान गरेका छन् ।
आफ्ना मागमा सुनुवाइ नभए भोलिदेखि यात्रु जाँचपास पनि रोकिने भन्सार कर्मचारीले चेतावनी दिएर आन्दोलन शुरु गरेका छन् ।
