- २०८३ कार्तिक २७ शुक्रबार
काठमाडौँ । एसीसी प्रिमियर कप अन्तर्गत आज फाइनल खेल हुदै छ । टियु क्रिकेट मैदानमा हुने फाइनल खेलमा नेपाल र युएई भिड्दै छन् ।
सेमिफाइनलमा कुवेतसँगको खेल रद्ध भएपछि नेपाल समुह विजेताको रुपमा फाइनलमा पुगेको हो । त्यसअघि नेपालले समुह चरणमा तीन जित र बर्षाले प्रभावित एक खेलमा अंक बाडेर समुह विजेता हुदै सेमिफाइनल पुगेको थियो ।
त्यस्तै युएईले सेमिफाइनलमा ओमानलाई डकवर्थ लुइस नियम अनुसार २ रनले पराजित गर्दै फाइनलआमा पुगेको हो । यस अघि युएई समुह बि मा उपविजेता हुदै सेमिफाइनलमा पुगेको थियो ।
दुवै एकदिवसीय मान्यता प्राप्त देश भएकाले फाइनल खेल एकदिवसीय अन्तर्राष्ट्रिय खेल हुने छ ।
नेपाल र युएईबीच अहिलेसम्म १३ वटा एकदिवसीय खेल भएका छन् । जसमा नेपालले ७ खेल जितेको छ भने युएईले ६ खेल जितेको छ ।
वर्षाको सम्भावना
पछिल्ला केहि दिनदेखि काठमाडौँमा लगातार वर्षा भइरहेकोले फाइनल खेल पनि प्रभावित हुने सम्भावना रहेको छ । यस अघि शनिबार सेमिफाइनल खेल पनि वर्षाले प्रभावित भएका थिए भने आइतबार भएको तेस्रो स्थानको खेलपनि वर्षाले प्रभावित भएको थियो ।
अब आजको खेल पनि वर्षाले प्रभावित भएमा एक दिन रिजर्भ डे राखिएको छ । आज खेल हुन नसकेमा खेल मंगलबार हुनेछ ।
मंगलबार पनि वर्षाले खेल हुन नसकेमा सुपर ओभर खेलाउने प्रयास गरिनेछ । तर सुपर ओभरको सम्भावना समेत नभएमा आइसिसीको एकदिवसीय वरियतामा अगाडी रहेको टिम एशिया खेल खेल्न छनौट हुने छ ।
आइसिसीको एकदिवसीय वरियतामा नेपाल १४औं र युएई १९औं स्थानमा छन् । यदि वर्षाले खेल हुन नसक्ने अवस्था आएर खेल रद्द भएमा नेपाल एकदिवसीय वरियतामा युएईभन्दा अगाडी रहेका आधारमा एसिया कपमा छनौट हुने छ ।
