- २०८१ बैशाख १५ शनिबार
बारा । हिमालयन शेर्पा क्लब १३औं जीतपुरसिमरा गोल्ड कपको फाईनलमा प्रवेश गरेको छ ।
बुधबार सिमरा रङ्गशालामा सम्पन्न पहिलो सेमिफाइनलमा मकवानपुर-११ लाई ३-० गोल अन्तर पराजित गर्दै हिमालयन शेर्पा फाइनलमा प्रवेश गरेको हो ।
हिमालयन शेर्पाको जितमा निशान लिम्बुले दुई गोल गरे भने सुशिल राईले एक गोल गरेका थिए ।
प्रतियोगितामा अब आज साविक विजेता न्युरोड टिम एनआरटी र चर्च ब्वाईज यूनाईटेडबीच दोश्रो सेमिफाइनल खेल हुने छ ।
प्रतियोगिताको फाइनल खेल शनिबार हुने तालिका रहेको छ ।
