- २०८१ बैशाख १४ शुक्रबार
काठमाडौं । टर्की र सिरियामा सोमबारको ७.८ म्याग्निच्युडको शक्तिशाली भूकम्पमा परी कम्तीमा १२०० भन्दा बढीको मृत्यु भएको छ ।
भूकम्पबाट अहिलेसम्म टर्कीमा ९१२ र सिरियामा ३८६ जनाको मृत्यु भएको छ ।
सिरियामा धेरै जसो अलेप्पो, हामा, लाटाकिया र टार्टसका क्षेत्रहरूमा छन्, सिरियाली सरकारी टिभीले रिपोर्ट गरेको छ । आधिकारिक रूपमा सिरिया सिभिल डिफेन्स भनेर चिनिने “व्हाइट हेल्मेट“ समूहले पनि उत्तरपश्चिमी सिरियाको विपक्षी नियन्त्रित क्षेत्रमा कम्तीमा १४७ जनाको मृत्यु भएको रिपोर्ट गरेको छ ।
भूकम्पपछि सयौं व्यक्ति घाइते भएका छन् भने अलेप्पो, हामा, लाटाकिया र टार्टसमा ६४८ जना घाइते भएका छन्, सिरियाली सरकारी टिभीले जनाएको छ । विपक्षी नियन्त्रित क्षेत्रहरूमा अन्य ३४० घाइतेहरू पनि रिपोर्ट गरिएको थियो, ह्वाइट हेल्मेटले थपे ।
त्यस्तै टर्कीमा अहिलेसम्म ९१२ जनाको मृत्यु भएको राष्ट्रपति रिसेप एर्दोगानले टेलिभिजन सम्बोधन मार्फत जानकारी दिएका छन् । एर्दोगानले अहिले राहत र उद्धारको कार्य तिब्रगतिमा भइरहेको बताएका छन् । उद्धार र राहत कार्यमा अहिले ९ हजारभन्दा बढी परिचालन गरिएको उनले बताए । अहिलेसम्म भत्किएको घरमा परेका २४ सयभन्दा बढीको उद्धार गरिएको राष्ट्रपति एर्दोगानले जानकारी गराएका छन् ।
टर्कीको दक्षिणपूर्वी क्षेत्रमा पर्ने गाजियान्टेप नजिकै स्थानीय समयअनुसार सोमबार बिहान ४: १७ बजे ७.८ म्याग्निच्युडको भूकम्प गएको अमेरिकी भौगर्भिक सर्भेले जनाएको छ ।
भूकम्पको धक्का लेबनान, सिरिया र साइप्रसमा भूकम्पको धक्का महशुस गरिएको थियो ।
