काठमाडौँ । प्रेम गीत-३ को हिन्दी भाषामा डब गरिएको फिल्मको विवादले फिल्मी क्षेत्र विभाजित भएको छ ।
फिल्मको रिलिज मिति नजिक आउदै गर्दा हिन्दी भाषामा डब गरिएको प्रेम गीत-३ लाई विदेशी फिल्म सरह कर लगाइने भएपछि निर्माण पक्ष आक्रामक हुदै मिडियामा आएको छ भने यसका पक्ष विपक्षमा पनि फिल्मी क्षेत्रका कलाकार, निर्माता, निर्देशक विभाजित भएका छन् ।
यसैबीच चर्चित कलाकार एवं फिल्म निर्माता निर्देशक दीपक राज गिरीले प्रेम गीत-३ को निर्माण पक्षलाई सबैलाई सिध्याएर आफुले मात्र राज गर्न खोजेको आरोप लगाएका छन् । सामाजिक सञ्जालमा टिप्पणी गर्दै गिरीले प्रेम गीत-३ को यति राम्रो हाइप हुदा हुदै सबैलाई गालि गरेर फिल्म चलाउने हो भन्दै निर्माण पक्षसँग प्रश्न गरेका छन् ।
उनले हिन्दी भाषाको नियम अनुसार कर तिर्न पनि निर्माण पक्षलाई सुझाव दिएका छन् ।
उनले लेखेका छन्-
भूवन केसी , अनमोल केसी, झरना थापा ,म अब हूदॉ हूदॉ आदरणीय सरोज खनाल दाइ उफ…
यो लिष्ट निक्कै लामो हूदैछ दिनप्रति ….
सबैलाइ गालि गरेरै फ़िल्म चलाउने हो ? यति राम्रो हाइप हूदॉहूदै के गर्या यो?
आफ्ना मान्छे लगाएर सामान्य दर्शकलाइ पनि उचालेर उद्योगका मान्छे लाइ गालि गर्न लगाएर सबैलाइ सिध्याउने हो? त्यसपछि उद्योग सकिदिने ?
अनि आफू मात्रै राज गर्ने हो ? घर नै नरहे कॉहा बस्छौ साथि ? जे जे गर्यौ महान काम गर्यौ, तर हिन्दी भाषाकोमा नियम अनुसार कर तिर…
वरू राम्रो कामको लागि नेपाली भाषाको फ़िल्ममा extra छुट माग सक्किगो त ….यति लेखे पछि bycutanmol मा मेरो पनि नाम थपौला ,निर्देशन अनुसार गालि गलौच पनि गरौला पक्कै पनि !
तर यति ठूलो तिमिहरूको अन्याय कसरी सहेर बस्नु? साथिहरूले कसरी सहेर बसें मैले चाहि सकिन माफ पॉउ !
हरेकदिन मिडियामा आएर हंगामा मच्चाउने किन? आफ्ना सेना तथा समर्थक लाइ सभ्य हुन सिकाऔ साथि ! तपाइको फ़िल्म चल्दा हामि कसैको बेफाइदा छैन, तपाइको बजार बढ्दा भोलि मैले पनि कमाउने बाटो खुल्छ !फाइदा नै छ !
सकिन्छ प्रत्यक्ष भेटेर बहस गरौ ! होइन भने एकले अर्को लाइ नसकौ !