- २०८१ बैशाख १४ शुक्रबार
काठमाडौँ । यस वर्षको मदन पुरस्कार डा. नवराज लम्सालको महाकाव्य 'अग्नि'लाई प्रदान गरिएको छ ।
मदन पुरस्कार गुठीको शनिबार बसेको बैठकले डा. लम्सालको कृतिको प्रदान गर्ने निर्णय गरेको जनाएको छ ।
त्यस्तै मदन पुरस्कार गुठिले २०७८ सालको जगदम्बा श्री पुरस्कार बनारसबाट प्रकाशित हुने 'उदय'का सम्पादक दुर्गाप्रसाद श्रेष्ठलाई प्रदान गर्ने निर्णय गरेको छ ।
यस बर्षको मदन पुरस्कारका लागि प्राप्त पुस्तकमध्ये आठ पुस्तक अन्तिम छनोटमा परेका थिए । मदन पुरस्कार गुठिका अनुसार पुरस्कारका लागि जम्मा २९९ पुस्तक प्राप्त भएको र त्यसबाट आठ पुस्तक छनिएका थिए ।
अग्निसहित ग्रीष्मको नीलो बतास, महाभारा, यादको सन्दुक, लिच्छवि लिपि, व्युत्पत्तिमूलक संस्कृत (नेपाली शब्दकोश), सतीः इतिहास र मीमांसा, हिति प्रणाली पुस्तक छानिएका थिए ।
