लागोस । नाइजेरियाका एक राज्यका गभर्नरले आइतबार दक्षिणी राज्य अनम्ब्रामा अज्ञात बन्दुकधारीहरूले अपहरण गरेका दुई अधिकारीको मृत्यु भएको पुष्टि गरेका छन् ।
राज्यको विधान सभाको सदस्य सहित दुई अधिकारीको शव शनिबार राज्यको नेवी दक्षिण स्थानीय सरकार क्षेत्रको एउटा गाउँ नजिकै भेटिएको अनम्ब्राका गभर्नर चुकुमा सोलुडोले विज्ञप्तिमार्फत सार्वजनिक गरेका छन् ।
स्थानीय सञ्चारमाध्यमका अनुसार यी दुईलाई मे १५ मा राज्यको अनाओचा स्थानीय सरकारी क्षेत्रको सडकबाट अपहरण गरिएको थियो।
सोलुडोले हत्याको निन्दा गर्दै स्थानीय बासिन्दाहरूलाई अपहरणकारीहरूलाई पक्रन मद्दत गर्न आह्वान गरेका छन् ।
"अनाम्ब्राले अन्धकारका शक्तिहरू विरुद्ध जित्नेछ । म अनाम्ब्रा जनतालाई अपराधीहरू विरुद्धको चौतर्फी युद्धको लागि तयार हुन आग्रह गर्दछु," उनले भने ।
अफ्रिकाको सबैभन्दा बढी जनसङ्ख्या भएको देश नाइजेरियामा सशस्त्र आक्रमणहरू बारम्बार हुने गर्दछन् जसले गर्दा सर्वसाधारणको मृत्यु र अपहरण शृङ्लाबद्धरूपमा हुने गर्दछ ।