- २०८१ बैशाख १४ शुक्रबार
काठमाडौँ । स्वास्थ्य मन्त्रालयले अहिलेसम्म १७ सय ९६ नमुना परिक्षण भएको जानकारी दिएको छ ।
स्वास्थ्य मन्त्रालयका प्रवक्ता डा. विकास देवकोटाले नियमित मिडिया ब्रिफिङका क्रममा जानकारी दिएका छन् ।
प्रवक्ता देवकोटाका अनुसार अहिलेसम्म केन्द्रीय प्रयोगशाला टेकुमा १७ सय ९६ नमुना परिक्षण भएको बताउदै काठमाडौँ बाहिर ९ ठाउमा परिक्षण सुचारु भएको बताए ।
नेपालमा कोरोना दोस्रो चरणमा रहेकाले टेस्टको दायरा बढाउने र क्वारेन्टाइनमा अनिवार्य बस्ने गरि दुई रणनिति मुख्य रहेको प्रवक्ता देवकोटाले बताए ।
अहिले कंचनपुर र कैलालीमा र्यापिड टेस्ट र स्व़ाब परिक्षणबाट दुवै किसिमले नमुना संकलन भइरहेको उनले बताए । अहिलेसम्म कन्चनपुरमा २१ र कैलालीमा १८ नमुना संकलन स्व़ाब संकलन गरिएको उनले बताउदै सो क्षेत्रबाट ४ सय नमुना संकलन गर्ने लक्ष्य रहेको उनले बताए ।
त्यस्तै अहिले काठमाडौँ उपत्यकामा आइसोलेसन १६ जना र काठमाडौँ बाहिर ८४ जना गरि सय जना आइसोलेसनमा रहेको प्रवक्ता देवकोटाले जानकारी दिएका छन् ।
त्यस्तै देशभर अहिलेसम्म ९ हजार २२८ जना क्वारेन्टाइनमा रहेको उनले जानकारी दिएका छन् ।
प्रवक्ता देवकोटाले अहिले थप पोजेटिभ नदेखिएको जानकारी दिदै यस अघि पोजेटिभ देखिएका ८ जनाको स्वास्थ्य अवस्था सामान्य रहेको जानकारी दिएका छन् ।
