बजेट पास नहुदा अमेरिकामा संघीय सरकारका कार्यलय बन्द, ८ लाख कर्मचारी प्रभावित 

खरीबोट

वाशिंटन । अमेरिका नयाँ बजेट पास नहुदा कतिपय संघीय कार्यालय बन्द हुने प्रक्रिया सुरु भएको छ । 

बजेटका बारेमा अमेरिकी प्रतिनिधिसभामा भएको मतदानमा बजेटका पक्षमा ५० र विपक्षमा ४९ मत परेको थियो । रिपब्लिकन पाँच सिनेटरले बजेटको विपक्षमा उभिएका थिए भने पाँच डेमोक्रयाट् सिनेटरले पक्षमा मतदान गरेका थिए । बजेट पारितका लागि ६० सिनेटरले सर्मथन गर्नुपर्दछ । यसअघि बिहिबार भने तल्लो सदन ‘हाउस’ले बजेटलाई पारित गरेको थियो ।

हालको बजेटको म्याद शनिबारसम्म मात्र भएकोले बजेट पास नभए खर्चको अभावमा कैयौ सरकारी कर्मचारीलाई केहि दिनका लागि छुट्टी दिनुपर्ने अवस्था आएको अमेरिकी मिडियाहरुले उल्लेख गरेका छन् । छोटो समयको लागि प्रस्तावित बजेट, आगामी फ्रेबुअरी १६ तारिख सम्मको लागि मात्र थियो ।

प्रवासीहरुलाई अमेरिकाबाट निकाल्ने विवाद बढेपछि यसको असर बजेटमा परेको छ । डेमोक्रेटहरुले ७ लाख भन्दा बढी प्रवासीहरुलाई आवश्यक कागजात नभएपनि अमेरिकामा नै बस्न दिनु पर्ने बताएका छन् । तर राष्ट्रपति डोनाल्ड ट्रम्पले गत सेप्टेम्बरमा प्रवासहरुलाई निकाल्ने घोषणा गरेका थिए । यद्यपी अमेरिकी कांग्रेससँग यसको विकल्प खोज्न मार्च सम्मको समय रहेको बताइएको छ ।

आप्रबासी एजेण्डाबारे बहस भईरहेकै बेला, गत साता राष्ट्रपति ट्रम्पले हैटी, अफ्रिका लगायतका देशबाट आप्रबासी ल्याईएको बिषयमा आपत्तीजनक शब्दले आलोचना गरेपछि, डेमोक्रयाटिक पार्टीका सिनेटर एवम कंग्रेसम्यानहरु ट्रम्प प्रति रिसाएका थिए ।

बजेट पास नभएपछि २१ लाखको हाराहारीमा रहेका संघीय सरकारका कर्मचारीहरु मध्ये करिब ३० प्रतिशत प्रभावित हुनेछन । जसमा अमेरिकी सेना पनि समावेश छ । यस अघि सन २०१३ मा सरकार बन्द हुदाँ, करिब आठ लाख कर्मचारी तलबको अभावमा १६ दिनका लागि कर्मचारीलाई छुट्टी दिइएको थियो । 

यस्तो अवस्थामा आधा आधी डिर्पामेन्टहरु काम गर्न असमर्थ हुने बताईएपनि अत्यावश्यक सेवा मानिने सुरक्षा, हवाई ट्राफिक, हुलाक, स्वास्थ्य सेवा, संकटकालीन उद्वार सेवाहरु भने सुचारु हुने गर्दछन् ।
 

सम्बन्धित समाचार

अमेरिकी निर्वाचनमा १३ रुसी नागरिकमाथि हस्तक्षेपको आरोप

वासिङ्टन ।  गतवर्ष भएको राष्ट्रपतीय निर्वाचनमा भएको भनिएको हस्तक्षेपमा रुसी नागरिकको हात रहेको आरोप अमेरिकाले लगाएको छ ।  संयुक्त राज्य अमेरिकामा यस विषयमा विशेष अनुसन्धान भइरहेको बताइएको थियो । अनुसन्धानकर्ताहरुले रुसी नागरिकको हस्तक्षेप

अमेरिकामा सामान्य बन्दैछ विद्यालयमा हुने गोलीकाण्ड

वासिङ्टन ।  अमेरिकामा विद्यालयमा गोलीकाण्ड हुने र विद्यार्थी तथा साना बालबालिकाको ज्यानजाने जस्ता घटना समान्यजस्तो हुदै गएको पाइएको छ ।  यस्ता डरलाग्दा घटनाहरु दोहोरिन थालेका छन् । जसले गर्दा यहाँको सरकारलाई विद्यालयमा अपनाउनुपर्ने

अमेरिकाको फ्लोरिडाको एक स्कुलमा गोली चल्यो, १७ जनाको मृत्यु 

वाशिंटन । अमेरिकाको फ्लोरिडा राज्यको एक विद्यालयमा गोली चल्दा १७ जनाको मृत्यु भएको छ । प्रहरीका अनुसार फ्लोरिडाको पार्कल्याण्डमा भएको उक्त घटनामा १७ जनाको ज्यान गएको छ । प्रहरीले गोली चलाएको आशंकामा

अमेरिकाद्वारा विश्वकै सभैभन्दा शक्तिशाली रकेट प्रक्षेपण

वाशिंटन ।  अमेरिकाले विश्वकै सभैभन्दा शक्तिशाली रकेट प्रक्षेपण गरेको छ । अमेरिकाको फ्लोरिडामा रहेको केनेडी स्पेस सेन्टरमा रहेको स्पेस सेन्टरबाट बुधबार विश्वकै शक्तिशाली रकेट ‘फाल्कन हेभी’ प्रक्षेपण गरिएको छ ।  यसलाई अमेरिकी