तयार भयो हेटौँडामा क्रिकेट मैदान

खरीबोट

हेटौँडा ।  मकवानपुरमा राष्ट्रियस्तरको क्रिकेट मैदान तयार भएको छ । 

मकवानपुर क्रिकेट संघको प्राविधिक सहयोग र जिल्ला खेलकुद विकास समितिको संयोजनमा हेटौँडाको हुप्रचौरमा राष्ट्रियस्तरको क्रिकेट मैदान तयार भएको हो । मैदान तयार हुन २ वर्ष लागेको आयोजकले जनाएका छन् ।  

करिब रु ३० लाखको लागतमा क्रिकेट पिच, मैदानसहित मर्निङ ट्र्याकसमेत निर्माण भएको छ । सरकारी बजेटमा निर्माण भएको योे क्रिकेट मैदान राष्ट्रिय प्रतियोगिता र अभ्यासका लागि उपयुक्त रहेको जिल्ला खेलकुद विकास समितिका अध्यक्ष माधव तिमल्सिनाले जानकारी दिनुभयो । 

हुप्रचौरमा विगतमा खाल्डाखुल्डीका साथै झाररहित मैदान र उपयुक्त पिचबिनै क्रिकेट प्रतियोगिता र अभ्यास गर्नु बाध्यता रहेकाले पनि मकवानपुरे क्रिकेटको विकास हुन नसकेको अवस्थामा नवनिर्मित मैदानले उत्साह थपेको अध्यक्ष तिमिल्सिनाको भनाइ छ । 

उनका अनुसार हुुप्रको १४० मिटर लम्बाइ र १२० मिटर चौडाइको जमिनलाई उपयुक्त क्रिकेट मैदानका रुपमा निर्माण गरिएको हो । क्रिकेट विकासमा अगाडि बढिरहेको मकवानपुरलाई हुप्रमा राष्ट्रियस्तरको क्रिकेट मैदान निर्माण हुनु महत्व र गौरवको विषय बनेको छ । 

क्रिकेट विकासकै लागि भनेर छुट्ट्याइएको रु १५ लाखमा केही रकम एथ्लेटिक्स संघ, मकवानपुरले म्याराथुन ट्र्याक निर्माणमा खर्चिएको समिति अध्यक्ष तिमल्सिनाले बताए । मकवानपुरमा उपयुक्त म्याराथुन ट्र्याक पनि निर्माण भएको छैन । 

करिब रु चार लाख खर्चिएर निर्माण गरिएको म्याराथुन ट्र्याकले भने पूर्णता पाएको छैन । बजेटको अभावमा म्याराथुन ट्र्याकलाई पूर्णता दिन नसकिएको एथ्लेटिक्स संघ मकवानपुरका अध्यक्ष प्रभाकर पाण्डेले बताए । 

सम्बन्धित समाचार

काँग्रेस जिल्ला सभापतिहरुको भेला हेटौडामा हुदै

हेटौँडा । नेपाली काँग्रेसको जिल्ला सभापतिहरुको राष्ट्रिय भेला आजदेखि मकवानपुरको हेटौँडामा शुरु हुँदै छ ।  सो भेलामा नेपाली काँग्रेसका केन्द्रीय कार्यसमितिका पदाधिकारी, सदस्यहरु, ७७ जिल्लाका काँग्रेस सभापतिहरु र पर्यवेक्षक गरी करीब

चट्याङबाट तीन जनाको मृत्यु

हेटौँडा ।  मकवानपुर जिल्लाको मनहरि गाउँपालिका–२ ढलिपाङ र हेटाँैडा उपमहानगरपालिका–१६ मा गए राति परेको चट्याङ लागि तीन जनाको मृत्यु भएको जिल्ला प्रहरी कार्यालय मकवानपुरले जनाएको छ ।  मृत्यु हुनेमा मकवानपुर जिल्ला मनहरि गाउँपालिका–२

यस बर्षको मिस नेपालको उपाधि हेटौडाकी श्रृंखला खतिवडाले जितिन्  

काठमाडौँ । मिस नेपाल २०१८ को उपाधि हेटौडाकी श्रृंखला खतिवडाले जितेकी छन् । बुधबार भएको फाइनलमा २४ प्रतिस्पर्धीलाई पछाडी पार्दै खतिवडाले उपाधि जितेकी हुन् । २५ प्रतिस्पर्धीमध्ये १५ हुँदै अन्तिममा ७ जना

हेटौडाबाट राजधानी हल्लाको भरमा सर्दैन : प्रचण्ड

हेटौँडा । माओवादी केन्द्र का अध्यक्ष तथा पुर्व प्रधानमन्त्री पुष्पकमल दाहाल प्रचण्डले हल्लाको भरमा प्रदेशको राजधानी नसर्ने बताएका छन् ।  प्रेस सेन्टर मकवानपुरले बुधबार बिहान हेटौँडामा गरेको पत्रकार सम्मेलनमा बोल्दै अध्यक्ष