महिला फुटबल लिगको उपाधि एपिएफलाई

खरीबोट

काठमाडौँ । राष्ट्रिय खेलकुद परिषद् राखेप अन्तर्गत सोह्रौँ राष्ट्रिय महिला फुटबल च्याम्पियनसिपको उपाधि विभागीय टोली सशस्त्र प्रहरीको एपिएफ क्लबले जितेको छ । 

एपिएफको जीतमा सावित्रा भण्डारीले दुई गोल गरिन् । सावित्रीले १७ औँ र ७५औँ मिनेटमा दुई तथा सरु लिम्बूले १९ औँ मिनेटमा एक गोल गरे । चौँतीसौँ मिनेटमा पुलिसकी नीरु थापाले गोल गरेकी थिइन् ।सुपर लिगमा सबै तीन खेल जित्दै एपिएफ ९ अंक जोडेर च्याम्पियन बनेको हो ।

एपिएफले सोमबार आर्मी र मंगलबार सुदूरपश्चिमललाई जितेको थियो । यस्तै सुपर लिगमा दुई खेल जितेको आर्मी दोस्रो तथा एक खेल जितेको पुलिस तेस्रो भए । सुदूरपश्चिमले भने सुपर लिगमा कुनै खेल जित्न सकेन । 

समूह चरणमा एपिएफले पश्चिमाञ्चल, मध्यपश्चिमाञ्चल र आर्मीलाई पराजित गरेको थियो । च्याम्पियन एपिएफले रु दुई लाख ट्रपी र पदक, उपविजेता आर्मीले रु एक लाख तथा तेस्रो पुलिसले रु ५० हजार प्राप्त गरे । 

प्रतियोगिताअन्तर्गत एपिएफकी एन्जिल तुम्बापो उत्कृष्ट गोलरक्षक, सावित्रा उत्कृष्ट फरवार्ड तथा जनक सिंह उत्कृष्ट प्रशिक्षक घोषित भए । यस्तै आर्मीका अञ्जली वाइबा उत्कृष्ट डिफेण्डर तथा दीपा राई उत्कृष्ट मिडफिल्डर चुनिए । व्यक्तिगततर्फ उत्कृष्ट हुनेले जनही रु २५ हजार प्राप्त गरे । 

विजेता तथा उपविजेता टोलीलाई युवा तथा खेलकुदमन्त्री राजेन्द्रकुमार केसी, एन्फा अध्यक्ष नरेन्द्र श्रेष्ठलगायतले पुरस्कार वितरण गर्नुभएको थियो । यही पुस १६ गतेदेखि शुरु भएको प्रतियोगितामा पाँच विकास क्षेत्र तथा विभागीय गरी आठ टोलीको सहभागिता थियो । 
 

सम्बन्धित समाचार

राष्ट्रिय पुरुष फुटबल प्रतियोगिताको फाइनलमा नेपाल पुलिस र त्रिभुवन आर्मी भिड्ने 

दाङ । यहाँ जारी २८ औँ राष्ट्रिय च्याम्पियनसिप पुरुष फुटबल प्रतियोगिताअन्तर्गत नेपाल पुलिस क्लब र त्रिभुवन आर्मी क्लब फाइनलमा प्रवेश गरेका छन् ।  मंगलबारदेखि दाङमा शुरु भएको प्रतियोगिताको आजको सेमिफाइनलमा नेपाल

ब्राजिलका फुटबलर रोनाल्डिन्होद्वारा सन्यासको घोषणा

काठमाडौँ । ब्राजिलका चर्चित फुटबलर रोनाल्डिन्होले सन्यासको घोषणा गरेका छन् । ब्राजिललाई २००२ को विश्वकप जिताउन महत्वपूर्ण भूमिका निभाएका चर्चित फुटबलर रोनाल्डिन्होले सन्यासको घोषणा गरेका हुन् । ३७ वर्षीय रोनाल्डिन्हो २०१५ देखि

विभागीय टोली एपिएफले मध्यपश्चिम फुटबल क्लबलाई हराउदै विजयी शुरुवात

तुलसीपुर । अठ्ठाइसौँ राष्ट्रिय पुरुष फुटबल प्रतियोगिता आजदेखि दाङको तुलसीपुरमा शुरु भएको छ ।  अखिल नेपाल फुटबल संघ एन्फा को आयोजना तथा दाङ जिल्ला फुटबल संघको सहआयोजनामा शुरु भएको उक्त प्रतियोगिताको

विभागीय टोली एपिएफ खप्तड गोल्ड कपको  फाइनलमा

धनगढी । आयोजक सुदूरपश्चिम–११ लाई पराजित गर्दै विभागीय टोली एपिएफ ‘नेपाल आइस सुदूरपश्चिम खप्तड गोल्ड कप फुटबल प्रतियोगिता’को फाइनलमा प्रवेश गरेको छ ।  धनगढी रङ्गशालमा आज भएको सेमिफाइनल खेलमा एपिएफले सुदूरपश्चिम–११