- २०८१ बैशाख १४ शुक्रबार
काठमाडौं । प्रदेश नम्बर ६ का मुख्यमन्त्रीका दाबेदार महेन्द्रबहादुर शाही कालीकोट ‘ख’बाट प्रदेशसभा सदस्यमा विजयी भएका छन् ।
बिनाविभागीय मन्त्रीसमेत रहेका शाही १२ हजार १५३ मतका साथ विजयी भएका हुन् । उनका प्रतिस्पर्धी कांग्रेसका कालिबहादुर शहकारीले ९ हजार ३४२ मत ल्याएर पराजित भएका छन् ।
शाहीले शहकारीलाई २८ सय ११ मतको अन्तरले पछाडि पारेका हुन् । प्रदेश ‘ख’ मा २३ हजार ७७८ मत खसेको थियो ।
यस्तै कालीकोट प्रदेश‘क’मा वाम गठबन्धनकै उम्मेदवार एमालेका कुर्मराज शाही ७ हजार १४६ मतान्तरले विजयी भएका छन् ।
उनले ११ हजार ९३५ मत प्राप्त गरी बिजयी भएका हुन् । उनका प्रतिद्वन्द्वी कांग्रेसका टेकराज शाहीले ४ हजार ७८९ ल्याएका थिए ।
यहाँ १९ हजार ०६३ मत खसेको थियो ।
