तयारीका लागि राष्ट्रिय फुटबल टोली शुक्रबार जापान जादै

खरीबोट

फाइल तस्विर

 एएफसी एसियन कप छनोट प्रतियोगिताको तयारीका लागि नेपाली राष्ट्रिय फुटबल टोली शुक्रबार जापान जाने भएको छ । 

अखिल नेपाल फुटबल संघ (एन्फा) ले आज यहाँ आयोजना गरेको कार्यक्रममा नेपालका लागि जापानी राजदूत मासासी ओगावा, राष्ट्रिय खेलकुद परिषद्का सदस्य सचिव केशवकुमार विष्ट, एन्फा अध्यक्ष नरेन्द्र श्रेष्ठलगायतले टोलीलाई सफलताको शुभकामना दिँदै बिदाइ गरे 

नेपाली टोलीका जापानी प्रशिक्षक ग्योतोकु कोजी र नेपालका लागि जापानी राजदूतावासको पहलमा टोली जापान जान लागेको हो । चौबीस सदस्यीय नेपाली टोलीको कप्तानीको भूमिका अनिल गुरुङले गर्नेछन् । 

टोलीले जापानमा पाँच मैत्रीपूर्ण खेल खेल्नेछ । यही साउन २९ देखि आगामी भदौ ३ गतेसम्म नेपालले उमेर समूह, विश्वविद्यालय तथा स्थानीय क्लबको टोलीसँग प्रतिस्पर्धा गर्ने एन्फाले जनाएको छ । 

एसियन कप छनोटअन्तर्गत नेपालले आफ्नो तेस्रो खेलमा ताजकिस्तानको सामना गर्नेछ । उक्त प्रतियोगिताको छनोट खेल आगामी भदौ २० गते नेपालमा नै हुनेछ । समूह ‘एफ’ मा रहेको नेपाल एक अंकसहित तेस्रो स्थानमा तथा अंकविहीन ताजकिस्तान अंक तालिकाको अन्तिम स्थानमा छन् । 

समूह चरणको पहिलो खेलमा नेपालले फिलिपिन्ससँग उसकै मैदानमा ४–१ को गोलअन्तरको हार भोगेको थियो । त्यस्तै नेपालमै भएको यमनविरुद्वको दोस्रो खेलमा दुवै टोलीले १–१ को बराबरी खेलेका थिए । समूह एफमा रहेको फिलिपिन्स ६ अंकका साथ शीर्षस्थानमा तथा चार अंक जोडेको यमन दोस्रो स्थानमा छन् । 
 

सम्बन्धित समाचार

गोलकिपरले गोल गरेर बनाए इतिहास (भिडियो सहित)

काठमाडौँ । इटालियन सिरी ए फुटबलको इतिहारमा एक गोलरक्षकले गोल गरेर आफू र क्लबका लागि इतिहास बनाएका छन् । पहिलो पटक इटालीको शीर्ष लिग सिरी ए खेलिरहेको बेनेवेन्तोले गोलरक्षकको गोलबाट लिगमा पहिलो

आहा रारा फुटबल प्रतियोगिता माघ ९ देखि

पोखरा । रारा गोल्ड कप फुटबल प्रतियोगिता माघ ९ देखि २० गतेसम्म पोखरा रंगशालामा सञ्चालन हुने भएकोछ ।  सहारा क्लबद्वारा आज यहाँ आयोजित पत्रकार सम्मेलनमा मोफसलको बहुप्रतिष्ठित राष्ट्रिय तथा अन्तर्राष्ट्रिय प्रतियोगितामा

फुटबलर लियोनेल मेसीका दाजु पक्राउ 

काठमाडौँ । स्टार फुटबलर लियोनेल मेसीका दाजु मटियास मेसी पक्राउ परेका छन् ।  उनको रगताम्य स्पिडबोटबाट पेस्तोल भेटिएपछि उनि अस्पातलबाट गिरफ्तार भएको मिडिया रिपोर्टमा उल्लेख गरिएको छ । ३५ बर्षिय मटियास

यस्तो छ विश्वकप फुटबलमा ‘ग्रुप अफ डेथ’ को इतिहास, रसिया विश्वकपमा कुन समुह बन्यो ग्रुप अफ डेथ ?  

काठमाडौँ । विश्वकप फुटबल भन्ने वित्तिकै कुन समुहमा को पर्यो र कसलाई सजिलो या गार्हो हुन्छ भन्ने विश्लेषण सुरु भइहाल्छ ।  आगामी जुन १४ देखि जुलाई १५ सम्म हुने विश्वकप फुटबल