लिफ्ट प्रविधिको सिँचाइ आयोजना निर्माण

खरीबोट

बाबियाचौर । बेनी नगरपालिका– २ खबरामा जिल्लामै पहिलो पटक ‘लिफ्ट’ प्रविधिको सिँचाइ आयोजना निर्माण भएको छ । 

तरकारी खेतीको पकेट क्षेत्र खबरामा लिफ्ट प्रविधिको आयोजनामार्फत हाँडेभिरस्थित म्याग्दी नदीको किनारबाट पानी तानेर सिँचाइ सुविधा पुर्याइएको हो । जिल्ला कृषि विकास कार्यालयको आर्थिक तथा प्राविधिक सहयोगमा स्थानीय राधाकृष्ण कृषि सहकारी संस्थाले नयाँ प्रविधिको सिँचाइ आयोजना निर्माण गरेको हो । 

नदी किनारमा इनार खन्ने, पाइप गाड्ने, पोखरी बनाउने र उपकरण खरिद गर्ने काम सकिसकेको यो आयोजना यसै महिनाभित्र सञ्चालनमा ल्याउने तयारी गरिएको उपभोक्ता समितिका अध्यक्ष चन्द्रबहादुर कार्कीले बताए । 

नदी किनारमा बनाइएको इनारबाट २५० मिटर उचाइमा रहेको लभ्लीहिलमा निर्माण भएको रिजर्भ ट्यांकीमा पुर्याइएको हो । योजनाको पूर्वाधार निर्माण र उपकरण खरिदमा हालसम्म रु एघार लाख खर्च भइसकेको छ । 

जिल्ला कृषि विकास कार्यालयले प्रधानमन्त्री कृषि आधुनिकीकरण परियोजनामार्फत रु दश लाख अनुदान उपलब्ध गराएको थियो । इनारभित्र पसेको बालुवा फालेर आयोजना सञ्चालनमा ल्याउन लागिएको अध्यक्ष कार्कीले बताए । 

मर्मत गरी सञ्चालनमा ल्याउन थप रु ५० खर्च हुने अनुमान गरिएको छ । योजनाबाट ४० घरधुरी कृषक लाभान्वित हुने जनाइएको छ । नदी किनारदेखि पाँचसय मिटर लामो ६३ मिलिमिटरको पाइपबाट प्रतिघण्टा १२ देखि १८ हजार लिटर पानी तान्ने क्षमताको समसिवल वेल पम्प जडान गरिएको छ । 

उक्त पम्प विद्युत्को सहायताले चल्ने जनाइएको छ । लभ्लीहिल, पिपलडाँडा, सिम्लेधारा र दारीम्बोटमा नदीबाट तान्ने पानी संकलन गर्ने पोखरी निर्माण भएको छ । लभ्लीहिलमा संकलन हुने पानी अर्को पम्पबाट पिपलडाँडा, सिम्लेधारा र दारीम्बोटमा पुर्याउने योजना समेत रहेको छ ।

सम्बन्धित समाचार

पुनःनिर्माण जारी राख्न प्राधिकरणको आह्वान

काठमाडौँ । भूकम्पले भत्किएका घर पुनःनिर्माणलाई जारी राख्न राष्ट्रिय पुनःनिर्माण प्राधिकरणले आह्वान गरेको छ ।  यसअघि भूकम्पले भत्किएका घरको जग हाली असार मसान्तसम्म दोस्रो किस्ता लिइसक्नुपर्ने निर्णय प्राधिकरणले गरेको थियो ।

संविधान कार्यान्वयनका लागि कानून निर्माण आवश्यक : सभामुख महरा

काठमाडौँ । सभामुख कृष्णबहादुर महराले संविधान कार्यान्वयनका लागि कानून निर्माण आवश्यक रहेको बताएकाछन् ।  जनसंख्या तथा विकासका लागि सांसदहरुको राष्ट्रिय मञ्चले आज यहाँ आयोजना गरेको ‘संविधान कार्यान्वयन संघ र प्रदेशबीचको अन्तरसम्बन्ध

केबलकार निर्माणमा चासो बढ्यो, २५ स्थानमा अध्ययन अनुमतिका लागि आवेदन

काठमाडौँ । भौतिक पूर्वाधार तथा यातायात व्यवस्था मन्त्रालयमा केबलकार निर्माणका लागि आवेदन दिनेक्रम पछिल्लो समयमा बढेको छ ।  मुलुकका २५ भन्दाबढी स्थानमा केबलकार निर्माणका लागि त्यस्तो आवेदन परेको हो । मन्त्रालयले

पोखरा विमानस्थलको निर्माण समयमै सम्पन्न हुन्छ – प्रधानमन्त्री

पोखरा / प्रधानमन्त्री केपी शर्मा ओलीले पोखरा क्षेत्रीय अन्तर्राष्ट्रिय विमानस्थल निर्माणको काम समयमै सम्पन्न हुने बताएका छन ।  निर्माणाधीन विमानस्थलको धावनमार्गको आज यहाँ निरीक्षण गर्दै उनले निर्माणको काम सन्तोषजनक ढंगमा अघि बढिरहेको