मुम्बई । यस बर्ष कै बहुप्रतिक्षीत फिल्म पद्मावती सुटिङ् देखिनै चर्चामा रहेको फिल्म हो । आगामी डिसेम्बर एकमा रिलिजको तयारीमा रहेको फिल्मलाई निर्देशक संजयलिला भन्सालीले पून एडिट गर्ने लागेको रिपोर्ट बाहिरिएको छ ।
बलिउड लाइफका अनुसार फिल्म लामो भएका कारणले यसमा माथि कैची चलाउन लागेका हुन् । भंसालीले फिल्मका केही सिन हटाउने निणर्य गरेको बताइएको छ ।
रिर्पोटका अनुसार फाइनल कट गरिसकेपछि २१० मिनेटको बनेर तयार भएको हो । जसले गर्दा भंसाली र उनको टिमलाई फिल्म लामो भएको अनुभुति भइरहेको र दर्शकलाई बोर लाग्नसक्ने अड्कल गरेका छन् ।
उसैपनि फिल्मका सिनमा कैचि चलाउनु भंसालीका लागि सोचेजति सजिलो भने छैन्। यसमा बलिउडका तिन चर्चीत कलाकारहरु काम गरिरहेका छन् । यसैकारणले तिनमध्ये कसै एकको पनि स्क्रीन शेयर पर्दामा कम भयो भनेपनि मनमुटाव हुनसक्ने सम्भावना रहेको छ ।
यसलाई निर्देशकले निकै ध्यान पुर्याउनु पर्ने छ कि फिल्मको लम्बाई घटाउने सुरमा उनी कसैको पनि भावना माथि खेलवाड नगरुन्।
उसैपनि फिल्मलाई लिएर रणवीर सिंह र शाहिदको बीचमा शुरु देखी नै कोल्डवार चलिरहेको खबरहरु बाहिरीएका बेला पून: एडिट गर्ने खबरले पद्मावतीका फ्यानहरुलाई कौतुहलता थपेको छ ।
शाहिद र रणवीर दुवैजना फिल्ममा आफ्नो रोल सशक्क्त चाहान्छन्। दुई अभिनेताबीचको ‘कोल्डवार’ साचो झुटो के हो त्यो हेर्न फिल्म प्रमोशनको समय कुर्नु पर्ने भएको छ ।
भर्खरै दिपीकामाथि छायांकन गरिएको गीत रिलीज भएको छर चर्चा पनि उत्तिकै पाएको छ ।
गीतमा राजपूताना सभ्यताको हिस्सा मानीने घूमर नाचमा दीपिकाले परर्फम गरेकी छन्। यसमा भंसालीलाई दीपिकाको डान्स राम्रो लागेर उनले दीपिकालाई फिल्ममा लगाइएको उनको फेवरेट पद्मावती ड्रेस गिफ्ट गरेका छन्।