- २०८१ बैशाख १४ शुक्रबार
राजविराज । शिक्षा क्षेत्रको सुधारको माग गर्दै सप्तरीका बाल क्लबका विद्यार्थीले आजबाट राजविराजमा अनशन शुरु गरेका छन् ।
सप्तरीको राजविराजस्थित गजेन्द्र चौकमा लालिगुराँस बाल क्लबका बालबालिकाले १४ सूत्रीय माग राख्दै अनशन शुरु गरेका हुन् ।
बालबालिकाले विद्यालयलाई शान्ति क्षेत्र घोषणा गर्नुपर्ने, बन्द हडतालका बेला विद्यालयलाई बन्द गर्न नहुने, कक्षा १२ सम्मको रजिष्टे«शन फर्म, परीक्षा फर्म र प्राक्टिकल फर्म निःशुल्क उपलब्ध गराउनुपर्ने, सबै सामुदायिक विद्यालयमा समयमै पाठ्यपुस्तक उपलब्ध गराउनुपर्नेलगायतका १४ सूत्रीय माग राख्दै अनशन सुरु गरेको लालिगुराँस बाल क्लबका अध्यक्ष मोहमद जकाउल्लाहले बताए ।
आफूहरुले पटकपटक विभिन्न आन्दोलनका कार्यक्रम गरेको भए पनि सम्बन्धित निकायले बेवास्ता गरेकाले बाध्य भएर आज पुनः अनशनमा बसेको उहाँले बताउनुभयो । सयाँैको संख्यामा रहेका बाल क्लबका बालबालिका तथा विद्यार्थीले विभिन्न प्लेकार्डसहित अनशन शुरु गरेका गरेका छन् ।
आफूहरुको मागप्रति ध्यान नदिए कडा आन्दोलनसमेत गर्ने उनीहरुले चेतावनी दिएका छन् ।
यता सप्तरीका प्रमुख जिल्ला अधिकारी भगीरथ पाण्डेले लालिगुराँस बाल क्लबका बालबालिकाले गरेको अनशनको विषयमा आफूलाई कुनै जानकारी नभएको प्रतिक्रिया दिनुभयो ।
बाल क्लबका बालबालिकाले गत असारमा पनि चार दिन रिले अनशन गरेका थिए ।
जिल्ला शिक्षा अधिकारी डोलराज पाण्डेले शिक्षा कार्यालयको तर्फबाट उनीहरुको माग सम्बोधनका लागि पहल गरिसकेको बताउनुभयो ।
