काठमाडौँ । निर्वाचन आयोगले प्रदेश सभा र प्रतिनिधि सभाको निर्वाचनका लागि प्रत्यक्ष र समानुपातिक निर्वाचनको चुनाव चिन्हको क्रम निर्धारण गरेको छ ।
आगामी मङ्सिर १० र २१ गते हुने निर्वाचनका लागि निर्वाचन ऐन २०७४ को दफा ३१ को उपदफा ८, ९ र १० बमोजिम निर्वाचनको चुनाव चिन्हको क्रमसंख्या निर्धारण गरेको आयोगले जनाएको छ ।
आयोगले प्रदेश सभा र प्रतिनिधि सभाको निर्वाचनमा भाग लिन निर्वाचन ऐन २०७४ को दफा ३१ को उपदफा ८ बमोजिम निर्वाचन आयोगमा दर्ता भएका दलहरुलाई निर्वाचन चिन्हको क्रम संख्या निर्धारण गरेको हो ।