काठमाडौँ। एसियन गेम्स अन्तर्गत पुरूष फुटबलको अन्तिम खेलमा नेपालले आज पाकिस्तानसँग खेल्दै छ ।
इन्डोनेसियाको विभाहा मुक्ति रंगशालामा हुने यो खेल दुवै टिमका लागि यस एशियन गेम्सको अन्तिम खेल हुने भएको छ । नेपाल र पाकिस्तान दुवै आफ्ना सुरुका २ खेलमा पराजित भएर प्रतियोगिताबाट बाहिरिई सकेका छन्।
नेपालले पहिलो खेलमा जापानसँग राम्रो खेल प्रदर्शन गर्दै १-० को हार बेहोरेपछि भियतनामविरुद्ध राम्रो खेल्ने अपेक्षा गरिएको थियो। तर नेपालले भियतनामविरुद्ध निम्नस्तरको प्रदर्शन गर्यो। भियतनामसँग २-० को हार बेहोरेपछि नेपाल प्रतियोगिताबाट बाहिरिएको थियो।
समुह डि बाट भियतनाम र जापानले दुई खेल जित्दै नकआउट चरणमा प्रवेश गरिसकेका छन्। अब भियतनाम र जापानबीच समुह चरणको अन्तिम खेल आजै हुने छ ।