जिन्दगी,
आफ्नो कहिल्यै भएन
स्वतन्त्रता को नाममा केवल
फूल्न मात्र पाएको हो ,
सँधै ओईलिन , झर्न र मर्न
निरङ्कुशको हातमा पर्नु पर्छ ।
कोहि भगवान को नाममा टिप्छन्
र चढाउँछन् गला रेटेर पत्थरलाई
फूल्दै गरेको गुलाब !
कोहि खुशी पार्न प्रेमीका
लुटिदिन्छन फक्रिदै गरेको गुलाब ।
एउटा को अस्तित्व मेटेर
कति दिन बाँच्छन् होला यहाँ
मन नभएका मान्छे हरू ।
त्यसैले
आफ्नो जिन्दगी अरूकै गुलाम बनेपछि
बगैँचामा गुलाबहरूले आत्महत्या गरेका छन् ।