- २०८१ बैशाख १४ शुक्रबार
काठमाडौं । मौसम विज्ञान विभागका अनुसार काठमाडौंको धोवी खोला, बागमती, नागमती, सालिनदी, मनोहरा लगायतका खोलामा आकस्मिक बाढी आउने सम्भावना रहेको जनाएको छ ।
विभागले एक सूचना जारी गर्दै काठमाडौंको धोवी खोला, बागमती, नागमती, सालिनदी, मनोहरा लगायतमा आकस्मिक बाढी आउने सम्भावन रहेकोले सो खोला नजिक रहेका सबैलाई सचेत र् सतर्क रहन अनुरोध गरेको छ ।
विभागका अनुसार काठमाडौंको उत्तरपूर्वी क्षेत्रमा ठूलो वर्षा सुरु भएको जनाउदै शिवपुरी, सुन्दरीजल, साँखु लगायतको क्षेत्रमा वर्षा सुरु भएकाले उल्लेखित खोलाहरुमा आकस्मिक बाढी आउन सक्ने जनाएको हो ।
त्यस्तै मौसम बिभागले सुन्दरीजल स्थित बाढी मापन केन्द्रमा बहाब बढिरहेको भएपनि खतरा तह भन्दा माथि जाने संभावना न्युन नै देखिएको जानकारी दिएको छ ।
