मुक्तिनाथ विकास बैंकको रुपन्देहीको तिलोत्तमा नगरमा दुई शाखा एकै साथ संचालनमा

काठमाडौँ । आधुनिक बैंकिङ्ग, ग्रामीण बैंकिङ्ग र लघुवित्त सेवा एकै साथ संचालन गर्दै आएको मुक्तिनाथ विकास बैंकले देशै भरी आफ्ना शाखा सञ्जालहरु विस्तार गर्ने क्रममा रुपन्देही जिल्लाको तिलोत्तमा नगरपालिकामा आज आफ्ना दुई शाखा कार्यालय विस्तार गरेको छ ।

मुक्तिनाथ विकास बैंक लि.ले तिलोत्तमा नगरपालिका वडा नं. १, ड्राईभरटोल र वडा नं १५ कोटिहवामा क्रमशः ८१ औं र ८२ औं शाखा विस्तार गरेको छ । ड्राईभरटोल शाखाको समुद्घाटन तिलोत्तमा नगरपालिकाका नगर प्रमुख वासुदेव घिमिरेले गर्नु भएको छ । 

शाखा कार्यालय समुद्घाटन गर्नु हुँदै प्रमुख अतिथि घिमिरेले मुक्तिनाथ विकास बैंकले प्रदान गरिरहेका वित्तीय सेवाहरुका साथै सामाजिक उत्तरदायित्वको कार्यक्रम अन्तरगत वित्तीय साक्षरता, क्लिन तिलोत्तमा ग्रिन तिलोत्तमा निर्माण गर्नमा थप योगदान पु¥याउन सफल बनोस् भन्दै शुभकामना व्यक्त गरे ।

कार्यक्रममा उद्योग बाणिज्य संघका अध्यक्ष गुणानिधि भण्डारी, आनन्दबन शंकरनगर खानेपानी तथा सरसफाई संस्थाका अध्यक्ष केशवराज न्यौपानेले लगायतले बैंकको प्रगतिको कामना गर्दै बैंकिङ्ग व्यवसाय प्रबद्र्धनको शुभकामना व्यक्त गरे ।

त्यसै गरी शाखा कार्यालय कोटिहवाको समुद्घाटन सिद्धार्थनगर उद्योग बाणिज्य संघका अध्यक्ष कुलप्रसाद न्यौपानेले गरे । शाखा कार्यालय समुद्घाटन गर्दै प्रमुख अतिथि न्यौपानेले बैंकले स–साना उद्यम गर्ने व्यवसायीका साथै ठूला ठूला उद्योगपतिहरुलाई पनि सहज र सरल सेवा प्रदान गर्दै अगाडि बढ्नु पर्ने बताउँदै यस क्षेत्रका जनतालाई सरल, सुलभ र ग्राहकमुखी सेवा प्रदान गर्नुपर्नेमा जोड दिदै बैकको उत्तरोउत्तर प्रगतिको शुभकामना व्यक्त गरे ।

कार्यक्रममा ओमसतीया गाउँपालिकाका अध्यक्ष हीरा केवट (राहुल), तिलोत्तमा न.पा. वडा नं १५ का वडा अध्यक्ष खेमराज गुरुङ्ग लगायतले आफ्नो शुभकामना मन्तव्य राखेका थिए ।

कार्यक्रमका सभापति तथा बैंकका प्रमुख कार्यकारी अधिकृत प्रद्युमन पोखरेलले बैंकको वर्तमान अवस्था र सेवा विस्तारमा बैंकले लिने भावी रणनीतिको बारेमा जानकारी गराएका थिए । सो क्रममा उनले रुपन्देहीमा रहेका विकास निर्माणका कार्यहरुमा यस बैंकले दिनुपर्ने तथा गर्नुपर्ने बैंकिङ्ग हातेमालो गर्न सधै तत्पर रहेको बताए । त्यसैगरी यस बैंकको व्यवसाय बृद्धिसंगै भावी दिनमा सामाजिक उत्तरदायित्वको कामलाई प्राथमिकताको रुपमा स्थानीय निकायसंग सहकार्य गरी अगाडि बढ्ने प्रतिवद्धता व्यक्त गरेका थिए । 

यस विकास बैंकको रुपन्देही जिल्लामा बुटवलको ट्राफिक चोक, भैरहवाको गल्लामन्डी, हरैया र रामापुर कोलोनीमा यस अघि नै शाखाहरु संचालनमा आई सकेका छन् ।