काठमाडौं । नेपाली राष्ट्रिय टोलिका सशक्त बलर सन्दिप लामिछाने टाटा कम्पनीको लागि नेपालको आधिकारीक विक्रेता सिप्रदी ट्रेडिङ प्रालीको ब्राण्ड एम्बेसडर भएका छन् ।
इण्डियन प्रिमियर लिग (आइपीएल) क्रिकेट खेलेर नेपाल फर्केका लामिछानेलाई बुधबार विशेष कार्यक्रमबीच सिप्रदीले ३ वर्षको लागि आवद्ध गरेको हो ।
आइपिएल खेल्ने पहिलो नेपाली खेलाडी बनेका उनलाई सिप्रदीले एम्बेसडर घोषणा गर्दै टाटा मोटर्सको टिगोर कार उपहार समेत दिने भएको छ ।
दिल्ली डेयर डेभिल्सबाट आइपिएल खेलेको उनले अन्तिम तीन खेल खेल्दै पाँच विकेट लिएका लिएका थिए ।