काठमाडौं । महानगरीय प्रहरी अपराध महाशाखाको टोलीले कोरियामा काम लगाइदिने भनी लाखाँै ठगी गर्न दुई जना ठगलाई पक्राउ गरेको छ ।
प्रहरीले झापाका एक पुरुष र ललितपुरकी एक महिला ठगलाई बिहीबार पक्राउ गरेको हो ।
पक्राउ पर्नेमा झापा बाहुनडाँगी घर भई सिनामंगल बस्ने डम्बर बहादुर बस्नेत र ललितपुर इमाडेलकी रिता गुरुंग डाँगी रहेको प्रहरीले बताएको छ ।
उनीहरुले मोरङ विराटनगर महानगरपालिका -११ बस्नेलक्ष्मी राई र स्याङ्जा नपा -२ की राधा न्यौपानेलाई कोरियामा एग्रिकल्चर भिषामा काम लगाउने भनी विश्वास दिलाई ठगी गरेको पीडितले जनाएका छन् ।
उनीहरुबाट बस्नेत र डाँगीले आईएमईमार्फत ३४ लाख ५ हजार पठाउन लगाई लिई ठगी गरेका हुन् । उनीहरुविरुद्ध मुलुकी ऐन ठगी महलअनुसार पाँच वर्ष कैद र बिगो भराई बिगोबमोजिमकै जरिवाना हुने व्यवस्था छ ।