नगरपालिकाको केन्द्र सार्ने विषयमा झडप हुदाँ १९ जना घाइते

खरीबोट

गौर । वृन्दावन नगरपालिकाको केन्द्र सार्ने विषयमा झडप हुँदा १९ जना घाइते भएका छन् । 

विश्रामपुरमा रहेको नगरपालिकाको केन्द्र अन्य ठाउँमा सार्न लागिएको भन्दै स्थानीयवासीले नगरपालिकाको कार्यालय तोडफोड गर्न थालेपछि स्थिति नियन्त्रणमा लिन प्रहरीले २१ राउण्ड अश्रुग्यास प्रहार गर्नुपरेको जिल्ला प्रहरी कार्यालयका प्रहरी नायब उपरीक्षक रामकुमार दानीले बताए । 

झडपमा परी नेपाल प्रहरी र सशस्त्र प्रहरीका १६ र तीन स्थानीयवासी घाइते भएका छन् । 

नगरपालिकाको कार्यालय विश्रामपुरबाट साविक सबै गाविसको केन्द्रबिन्दु चमनपुरमा सार्न कार्यपालिकाको बैठक बसिरहेको समयमा विश्रामपुरका स्थानीयवासीले बैठककक्षमै प्रवेश गरी अवरोध गर्न खोजेपछि झडप शुरु भएकोे प्रहरी निरीक्षक थापाले बताए । 

स्थानीयवासीले बैठकमा बसेका महिला तथा पदाधिकारीमाथि हातपात समेत गरेको नगर प्रमुख रामस्नेही यादवले बताए । स्थानीयवासीको आक्रमणबाट पचासभन्दा बढी कुर्सी, झ्यालका सिसा, नगरपालिकाको निर्णय पुस्तिका नष्ट भएको नगर प्रमुख यादवले बताए । 

स्थानीयवासी रामनाथ सहनीले कुनैपनि हालतमा नगरपालिकाको केन्द्र सार्न नदिने बताउनुभयो । नगरपालिकाको कार्यालय यथास्थानमै रहनुपर्ने माग गर्दै स्थानीयवासीले कार्यालय सार्ने निर्णय फिर्ता लिनुपर्ने माग गरेका छन् । 

सम्बन्धित समाचार

सांसदले राखे बाँदर नियन्त्रण गर्न सरकारसँग माग 

काठमाडौँ।  प्रतिनिधि सभाको आजको बैठकको शुन्य समयमा सांसदहरुले देशका विभिन्न समस्याका बारेमा आफ्ना कुरा राखिरहेका छन्।   यसै सन्दर्भमा सांसद नारायण प्रसाद मरासिनीले  स्याङजा जिल्लामा बाँदर आतंकको समस्या उठाएका छन्। उनले

भारतविरुद्धको दोस्रो टेस्ट इङल्याण्डको नियन्त्रणमा, तेस्रो दिन २५० रनको अग्रता  

काठमाडौँ। इङल्याण्ड र भारतबीच जारी दोस्रो टेस्ट क्रिकेट खेलमा इङल्याण्ड तेस्रो दिनको खेल खराब प्रकाशका कारण रोकिदा राम्रो स्थितिमा पुगेको छ। इङल्याण्डले पहिलो पारीमा ६ विकेट गुमाउदै ३५७ रन बनाएको

हेटौडाको ओम्याक्स चलचित्र हलको आगलागी नियन्त्रणमा

 हेटौँडा।  मकवानपुरको हेटौँडा–४ स्थित ओम्याक्स चलचित्र घरमा आगलागी नियन्त्रणमा आएको छ ।  बिहान ९ बजेदेखि भएको आगलागी १२ बजे मात्र नियन्त्रणमा आएको थियो। आगलागी नियन्त्रणमा लिन नसकिएपछि हलको पछाडि भागबाट निभाउने

महिलालाई आक्रमण गरी मारेको बाघ नियन्त्रणमा

रत्ननगर। पश्चिम चितवनमा एक महिलालाई आक्रमण गरी मारेको बाघलाई चितवन राष्ट्रिय निकुञ्जले नियन्त्रणमा लिएको छ ।  निकुञ्जबाट आठ हात्तीसहित खटिएको पशु चिकित्सकको टोलीले सोमबार साँझ बाघलाई ‘डाट’ गरेर नियन्त्रणमा लिएको निकुञ्जका