- २०८१ बैशाख १३ बिहीबार
काठमाडौँ । छिमेकी मुलुक भारतमा कोरोनाको तेस्रो लहरमा दैनिक संक्रमितको संख्या घट्दै गएको देखिएको छ ।
भारतीय स्वास्थ्य मन्त्रालयले दिएको जानकारी अनुसार पछिल्लो २४ घण्टामा २ लाख ८५ हजार ९१४ जनामा कोरोना संक्रमण पुष्टि भएको छ भने ६६५ जनाको मृत्यु भएको छ ।
भारतमा दैनिक संक्रमित दर परिक्षण गरिएको संख्याको १६.१६ प्रतिशत रहेको छ ।
त्यस्तै भारतमा एकै दिन २ लाख ९९ हजार ७३ जना कोरोना संक्रमणबाट निको भएको मन्त्रालयले जनाएको छ ।
योसँगै भारतमा सक्रिय कोरोना संक्रमितको कुल संख्या २२ लाख नाघेको छ । अहिले भारतमा २२ लाख २३ हजार कोरोनाका सक्रिय केस रहेका छन् ।
हालसम्म कोरोना संक्रमणबाट कूल ४ लाख ९१ हजार १२७ जनाको मृत्यु भएको स्वास्थ्य मन्त्रालयले जानकारी दिएको छ ।
