- २०८१ बैशाख १३ बिहीबार
काठमाडौँ । दुई पटकको ग्राण्डस्लाम विजेता सिमोना हालेप अस्ट्रेलियन ओपनबाट बाहिरिएकी छिन् । मेलबर्नमा सोमबार सम्पन्न खेलमा फ्रान्सकी एलिज कोर्नेटसँग तीन सेटमा पराजित हुदै हालेप प्रतियोगिताबात बाहिरिएकी हुन् ।
३२ डिग्री सेल्सियसको तापक्रममा कोर्नेटले ६-४, ३-६ ६-४ ले जितेर पहिलो पटक कुनै मेजरको क्वार्टरफाइनलमा पुगेकी छन् ।
रोमानियाकी १४औँ वरियताकी हालेप, २०१८ मा फाइनलमा पुगेकी थिइन् ।
विश्व नम्बर ६१ कोर्नेटले सेमिफाइनलमा स्थानका लागि अमेरिकाकी २७औँ वरियताकी डेनियल कोलिन्ससँग प्रतिस्पर्धा गर्नेछिन् ।
कोलिन्सले बेल्जियमकी १९औं वरियताकी एलिस मर्टेन्सलाई ४-६, ६-४, ६-४ ले हराए।
त्यसपछि सोमबार बेलारुसकी दोस्रो वरियताकी आर्यना साबालेन्काले इस्टोनियाली काइया कानेपीसँग र पोल्याण्डकी सातौं वरियताकी इगा स्विटेकले सोराना सर्स्टेयासँग खेल्नेछिन् ।
