काठमाडौँ । युइएफए च्याम्पियन्स लिग अन्तर्गत म्यानचेस्टर सिटीले क्लब ब्रुगेमाथि फराकिलो जित हासिल गरेको छ ।
गएराती सम्पन्न खेलमा सिटीले क्लब ब्रुगेलाई ५-१ गोल अन्तरले पराजित गरेको हो ।
सिटीको जितमा रियाद महरेजले दुई गोल गरेका थिए भने जोआओ क्यान्सेलो, कीले वाल्कर र कोले पाल्मरले एक एक गोल गरेका थिए ।
त्यस्तै क्लब ब्रुगेका लागि हान्स भनाकेनले एक गोल गरेका थिए ।
यो जितपछि समुह ए मा रहेको म्यानचेस्टर सिटीले ३ खेलमा २ जित र एक हारसहित ६ अंकसहित दोस्रो स्थानमा छ भने क्लब ब्रुगेको ३ खेलमा ४ अंक रहेको छ ।