- २०८१ बैशाख ८ शनिबार
काठमाडौँ । जारी १३औँ दक्षिण एसियाली खेलकुद (साग) मा नेपालले सोमबार थप ४ स्वर्ण पदक जितेर कुल ४९ स्वर्ण पदक जितेको छ ।
यसअघि नेपालले सोमबार एकै दिन १५ वटा स्वर्ण जितेको थियो भने मंगलबार भएको खेलमा ८, बुधबार ६ स्वर्ण र विहिबार ७ पदक, शुक्रबार ५ स्वर्ण, शनिबार र आइतबार २-२ स्वर्ण पदक जितेको थियो । सोमबार नेपालले बक्सिङमा दुई स्वर्ण पदक, पौडी र जुडोमा एक एक स्वर्ण पदक जितेको हो ।
बक्सिङतर्फ ६४ केजी तौल समूहमा भुपेन्द्र थापाले स्वर्ण पदक जिते भने मिनु गुरुङले ५४ केजी तौल समुहमा स्वर्ण पदक जितिन् । त्यस्तै पुनम श्रेष्ठले जुडोतर्फको ७८ केजी तौल समुहमा स्वर्ण पदक जितेकी हुन् ।
त्यस्तै पौडीतर्फको १०० मिटर फ्रीस्टाइलमा गौरिका सिंहले स्वर्ण पदक जितेकी हुन् । यस सागमा उनको यो चौथो स्वर्ण पदक हो । गौरिकाले यस अघि २०० मिटर फ्रिस्टाइल, २०० मिटर ब्याकस्ट्रोक, ४०० मिटर फ्रीस्टाइलमा स्वर्ण पदक जितेकी थिइन् । गौरिकाले यस सागमा कुल ९ पदक जितेकी छन् । उनले ४ स्वर्ण २ रजत र ३ काश्य पदक जितेकी छन् ।
त्यस्तै पदक तालिकामा नेपाल ४९ स्वर्ण, ५४ रजत र ९२ काश्य पदकसहित कुल १९५ पदक जितेर दोस्रो स्थानमा रहेको छ ।
त्यस्तै भारतले अहिलेसम्म १५९ स्वर्ण पदक, ९१ रजत र ४४ काश्य पदक जितेर कुल २९४ पदकसहित शिर्ष स्थानमा रहेको छ ।
त्यस्तै श्रीलंका ३९ स्वर्ण, ७९ रजत र ११८ काश्यसहित कुल २३६ पदक जितेर तेस्रो स्थानमा रहेको छ ।
त्यसै गरि पाकिस्तान ३२ स्वर्ण, ३७ रजत र ५५ कास्यसहित कुल १२४ पदक जितेर चौथो स्थानमा रहेको छ ।
त्यस्तै बंगलादेशले १९ स्वर्ण ३२ रजत र ८१ कास्यसहित कुल १३२ पदक जितेर पाँचौ स्थानमा रहेको छ ।
त्यसै गरि माल्दिभ्सले एक स्वर्ण र ३ कास्य जितेको छ भने भुटानले ६ रजत र १३ कास्य पदक जितेको छ ।
नेपाललाई ४९ स्वर्ण पदक जिताएका खेलाडीहरु :
१. मण्डेकाजी श्रेष्ठ - कराते (एकल काता)
२. मण्डेकाजी श्रेष्ठ, महसुस तामाङ, प्रविण मानन्धर - कराते (टिम काता, पुरुष )
३. निर्मला तामाङ, संगिता मगर, सरु कार्की - कराते (टिम काता ,महिला)
४. लक्ष्मण तामाङ - कराते (५५ केजी)
५. विप्लवलाल श्रेष्ठ - कराते (८४ केजीमाथि)
६. कुसुम खड्का - कराते (४५ केजी मुनी)
७. अनु अधिकारी - कराते (५० केजी मूनि)
८. नवीन रसाइली - कराते (६७ केजी)
९. सुनिता महर्जन - कराते (६८ केजी)
१०. अनुपमा मगर - कराते (६८ केजी)
११. कमल श्रेष्ठ - तेक्वान्दो पुम्से (२३–२९ वर्ष)
१२. सिना मादेन लिम्बु - तेक्वान्दो पुम्से (१७–२३ वर्ष)
१३. पार्वती गुरुङ - तेक्वान्दो पुम्से (२३–२९ वर्ष)
१४. आयशा शाक्य - तेक्वान्दो पुम्से (२९ वर्ष माथि)
१५. आयशा शाक्य र सञ्जिकुमार पाण्डे - तेक्वान्दो पुम्से (२९ वर्ष माथि)
१६. निशा दर्नाल, स्वस्तिका तामाङ र सन्जिला तिमल्सिना – तेक्वान्दो पुम्से महिला टिम (१७–२३ वर्ष)
१७. निता गुरुङ, प्रशंसा क्षेत्री र शुसिला राई – तेक्वान्दो पुम्से महिला टिम (२३–२९ वर्ष)
१८. काजल श्रेष्ठ - तेक्वान्दो (४६ केजी मुनि)
१९. वीरबहादुर महरा - तेक्वान्दो (६८ केजी मुनि)
२०. संगीता बस्याल - तेक्वान्दो (६२ केजी मुनि)
२१. सक्षम कार्की - तेक्वान्दो (८७ केजी)
२२. भुपेन श्रेष्ठ - तेक्वान्दो (८७ केजी)
२३. सोनी गुरुङ - ट्रायथलन
२४. हिमाल टमाटा - डुवाथोलन
२५. विजय सिन्जाली - उसु (थाउलो)
२६. सुस्मिता तामाङ - उसु (थाउलो)
२७. दीपक हमाल - उसु (थाउलो)
२८. जुनी राई - उसु (५६ केजी)
२९. निमा घर्तीमगर - उसु (थाउलो-नान्दौ)
३०. राजेश मगर- साइक्लिङ (डाउनहिल)
३१. निश्मा श्रेष्ठ - साइक्लिङ (डाउनहिल)
३२. लक्ष्मी श्रेष्ठ - साइक्लिङ (क्रस कन्ट्री)
३३. बुद्धिबहादुर तामाङ - साइक्लिङ (क्रस कन्ट्री)
३४. सुवास तामाङ - गल्फ (एकल)
३५. सुवास तामाङ, शुक्रबहादुर राई, टङ्कबहादुर कार्की र निरज तामाङ - गल्फ (पुरुष टिम)
३६. सन्जु चौधरी- भारोत्तोलन (५९ केजी)
३७. विकास थापा - भारोत्तोलन (८९ केजी)
३८. गोपीचन्द्र पार्की - एथ्लेटिक्स (५ हजार मिटर दौड- पुरुष)
३९. सन्तोषी श्रेष्ठ - एथलेटिक्स (१० हजार मिटर-महिला)
४०. किरण बोगटी – एथलेटिक्स (पुरुष म्याराथन)
४१. गौरिका सिंह - पौडी (२०० मिटर फ्रिस्टाइल)
४२. गौरिका सिंह - पौडी (२०० मिटर ब्याकस्ट्रोक)
४३. गौरिका सिंह – पौडी (४०० मिटर फ्रीस्टाइल)
४४. गौरिका सिंह – पौडी (१०० मिटर फ्रीस्टाइल)
४५. संगीता धामी – कुस्ती (५५ केजी तौल समुह)
४६. देविका खड्का – जुडो (५२ केजी तौल)
४७. पुनम श्रेष्ठ – जुडो (७८ केजी तौल)
४८. भुपेन्द्र थापा – बक्सिङ (६४ केजी तौल)
४९. मिनु गुरुङ – बक्सिङ (५४ केजी तौल)
