- २०८३ जेठ १० आइतबार
काठमाडौँ । रियल म्याड्रिडका किलीयन एम्बाप्पेले स्पेनिस ला लिगाको लगातार दोस्रो सिजन लिगको सर्वाधिक गोलकर्ता बनेका छन् । योसंगै एम्बाप्पेले प्रतिष्ठित पिचिची ट्रफी जित्दै आफ्नो उत्कृष्ट प्रदर्शनलाई निरन्तरता दिएका हुन् ।
फ्रेन्च फरवार्ड एमबाप्पेले यस सिजन ३१ खेलमा २५ गोल गरेका छन् । उनले सर्वाधिक गोलकर्ताको सूचीमा मुरिकीको २३ तथा बुडिमिरको १७ गोललाई पछि पारेका हुन् ।
रियल म्याड्रिडबाट दुई सिजन खेलिसकेका एमबाप्पेले ला लिगामा ६५ खेल खेल्दै ५६ गोल गरिसकेका छन् । लगातार दुई वर्ष पिचिची ट्रफी जित्ने उपलब्धि हासिल गर्ने उनी रियल म्याड्रिडका महान खेलाडीहरूको सूचीमा समावेश भएका छन् ।
यसअघि अल्फ्रेडो डी स्टेफानो, फेरेन्स पुस्कास, अमान्सियो, हुगो साञ्चेज र क्रिस्टियानो रोनाल्डोले मात्रै रियल म्याड्रिडबाट लगातार दुई पटक पिचिची ट्रफी जितेका थिए ।
